Friday , 3 February 2023
Home Gazeti Habari Mchanganyiko Moto K’koo: Masoko, sehemu za mikusanyiko kukaguliwa
Habari Mchanganyiko

Moto K’koo: Masoko, sehemu za mikusanyiko kukaguliwa

Spread the love

 

SERIKALI ya Tanzania, imeagiza wakuu wa mikoa (RC) kwa kushirikiana na Jeshi la Zima Moto na Uokoaji katika meneo yao, kufanya ukaguzi katika masoko na maeneo ya mikusanyiko ya watu, ili kubaini yenye dosari kwa ajili ya kudhibiti majanga. Anaripoti Regina Mkonde, Dar es Salaam…(endelea).

Agizo hilo limetolewa leo Jumatatu, tarehe 12 Julai 2021 na Waziri wa Mambo ya Ndani, George Simbachawene, alipotembelea Soko Kuu la Kariakoo, jijini Dar es Salaam, kwa ajili ya kukagua shughuli za uzimaji moto katika jengo la soko hilo.

Sehemu ya juu ya jengo la soko hilo, liliungua usiku wa Jumamosi, tarehe 10 Julai 2021. Ambapo shughuli za uzimaji moto huo zinaendelea kufanywa na jeshi hilo.

Simbachawene amesema, tukio la soko hilo kuungua moto, liwe fundisho na tahadhari katika maeneo mengine.

“Kwa hiyo, kuna maemeo mengi kuna changamoto nyingi, nafikri hatuwezi kurudi tena kwenye maisha yale yale bila ya hizi changamoto kuzidhughulikia.”

“Nawaagiza wakuu wa mikoa wote na kamati za ulinzi na usalama za mikoa, nchi nzima watumie jeshi la zimamoto wapite maeneo yote ya umma, maeneo kama masoko, stendi na yanayojaza watu wengi,” amesema Simnachawene.

Waziri huyo amesema”lazima tuhakikishe tunayalinda kwa kuzingatia mahitaji ya zima moto majanga yanapotokea. Sina hakika kama katika masoko, stendi zetu kuna miundombinu ya kutosha. Hili liwe fundisho.”

Simbachawene amesema, masoko mengi yanakabiliwa na changamoto za miundombinu ya kudhibiti majanga, ikiwemo maji ya kutosha na njia za kupita wakati yanapotokea.

Tayari Waziri Mkuu wa Tanzania, Kassim Majaliwa ameunda tume ya kuchunguza chanzo cha moto huo, ambayo imepewa siku saba kuanzia jana Jumapili hadi Jumapili tarehe 18 Julai 2021, kutoa ripoti kuhusu tukio hilo.

Kwa mujibu wa Mkuu wa Mkoa wa Dar es Salaam, Amos Makalla, wafanyabiashara zaidi ya 200 wameathirika na tukio hilo, ambao walikuwa na vizimba katika soko hilo.

Leave a comment

Leave a Reply

Your email address will not be published. Required fields are marked *

Related Articles

Habari Mchanganyiko

Kasilda Mgeni anasisitiza umoja, ushirikiano Same 

Spread the love  MKUU mpya wa Wilaya ya Same, mkoani Kilimanjaro, Kasilda...

Habari MchanganyikoTangulizi

Hii hapa kauli ya Sheikh mpya mkoa wa Dar

Spread the loveSAA chache baada ya kuteuliwa kukaimu nafasi ya aliyekuwa Sheikh...

Habari MchanganyikoTangulizi

Breaking news! Mufti amng’oa Sheikh mkoa Dar

Spread the loveBARAZA la Ulamaa la Bakwata katika kikao kilichofanyika tarehe 1...

Habari Mchanganyiko

Bilioni 120 za DMDP zaibadilisha Ilala, wananchi watoa ya moyoni

Spread the loveJUMLA ya Sh bilioni 120.7 zimetumiwa na Halmshauri ya Jiji...

error: Content is protected !!