July 28, 2021

Uhuru hauna Mipaka

Mkuu wa majeshi ashikiliwa kwa rushwa

Mkuu wa Majeshi wa Malawi, JeneraIi Henry Odillo (kulia) akizungumza na Rais wa Malawi, Joyce Banda

Spread the love

JENERALI Henry Odillo – Mkuu wa Majeshi wa zamani Malawi, amekamatwa akihusishwa na vitendo vya rushwa vya mamilioni ya dola.

Kwa mujibu wa Shirika la Utangazaji la Uingereza (BBC), Jenerali Odillo na aliyekuwa makamu wake, Luteni Kanali Clement Kafuwa, wanashutumiwa kupanga mkataba wa kuingizwa kwa vifaa vya kijeshi nchini Malawi, ambavyo havikuwasilishwa nchini humo.

Taasisi ya kuzuia rushwa nchini Malawi (ACB), inawashikilia viongozi hao wa kijeshi wa zamani ikiwa ni sehemu ya uchunguzi unaofanywa ndani ya Serikali kuhusu kashfa ijulikanayo kama ”Cashgate”.

Licha ya viongozi hao wa kijeshi kutozungumzia lolote kuhusu shutma hizo, mwandishi wa BBC mjini Blantyre, amesema watumishi kadhaa wa umma wameshutumiwa kuhusika kwenye kashfa hiyo.

Kashfa hiyo, imebainisha kuwepo kwa matumizi ya fedha bila huduma kutolewa.Taarifa inasema kuwa Jenerali Odillo na Luteni kanali Kafuwa wanakabiliwa na mashtaka ya kutumia ofisi vibaya, uzembe wa afisa wa umma katika kuhifadhi fedha na biashara haramu ya fedha.

Uchunguzi umebaini kuwa Jeshi lililipa kiasi cha dola milioni 4.4 kwa ajili ya vifaa hewa.

Kashfa ya ”Cashgate” ilijitokeza kwa uchache mwezi Septemba mwaka 2013, baada ya jaribio la mauaji dhidi ya Mkurugenzi wa bajeti wa Wizara ya Fedha, Paul Mphwiyo.

Siku kadhaa kabla, mtumishi mmoja wa serikali alikutwa na zaidi ya dola 300,000 kwenye gari lake.

Fedha zaidi zilizuiliwa kutoka mikononi mwa wafanyakazi wa serikali walizokuwa wamezificha nyumbani na kwenye magari.

Nchi wahisani wa Malawi walizuia kiasi cha dola milioni150 kushinikiza uchunguzi zaidi kufanyika.

error: Content is protected !!