Misri yawaapisha majaji 100 wanawake

BARAZA kuu la Serikali ya Misri limewateua kwa mara ya kwanza wanawake 98 kuwa majaji katika baraza hilo hilo ambalo ni moja ya vyombo vikuu vya idara ya mahakama nchini humo. Anaripoti Mwandishi Wetu … (endelea).

Majaji hao waliapishwa jana tarehe 19 Oktoba, 2021 mbele ya Jaji mkuu wa Baraza hilo, Mohammed Hossam el-Din katika hafla iliyofanyika katika mji mkuu Cairo.

Hatua hiyo imekuja miezi kadhaa baada ya Rais wa Misri, Abdul Fattah al-Sisi kuwataka wanawake wajiunge na vyombo vikuu viwili vya mahakama – baraza na mashtaka ya umma.

Tangu kuanzishwa kwake mwake 1946, Baraza la serikali limekuwa likiwateua wanachama wa kiume pekee na kabla maamuzi yaliyofanyika sasa.

Katika miaka iliyopita, wanawake walipinga maamuzi ya baraza, hilo wakisema kuwa wanabaguliwa.

Baada ya kuapishwa, mmoja wa majaji hao Radwa Helmy alisema hatua hiyo ilikuwa ni ndoto kwa wanawake wote nchini humo kwa kuwa nafasi waliyopewa ni mojawapo ya nafasi ya kipekee katika chombo kikubwa cha maamuzi nchini humo.

“Hili ni tukio la kihistoria, ni kama ndoto lakini sasa imetimia, kwa sababu chombo hicho kuwa na majaji wanawake tena kwenye nchi za kiarabu sio jambo dogo, tunamshukuru Mungu kwa hatua hii,” alisema.