Milioni 9 waambukizwa corona duniani

MAAMBUKIZO ya ugonjwa unaosababishwa na virusi vya corona (COVID-19) duniani, yamefikia milioni 9.19 huku waliopona wakiwa milioni 4.94. Anaripoti Mwandishi Wetu…(endelea).

Kwa mujibu wa mtandao wa ‘worldometer’ leo Jumanne tarehe 23 Juni 2020 unaonyesha vifo vinavyotokana na ugonjwa huo vimefikia 474,479.

Marekani ni Taifa linaloongoza kwa maambukizo mengi ya watu milioni 2.38, waliopona wakiwa milioni moja huku vifo vikiwa  122,611.

Brazil ina wagonjwa milioni 1.1, vifo 51,407 huku waliopona ugonjwa huo wakiwa 594,104.

China ambako ugonjwa huo ulianzia mwishoni mwa mwaka 2019, kuna wagonjwa 83,418, waliofariki dunia wakiwa 4,634 na waliopona ni 78,425.

Nchini Kenya, maambukizo yamefikia 4,797, waliopona 1,680, waliofariki dunia wakiwa 125 huku idadi ya sampuli zilizokwisha kupimwa ni 142,366