Sunday , 5 February 2023
Home Gazeti Habari Mchanganyiko Mgeja ashauri mawakala wa mbolea ya ruzuku wawepo hadi vijijini
Habari Mchanganyiko

Mgeja ashauri mawakala wa mbolea ya ruzuku wawepo hadi vijijini

Spread the love

MKURUGENZI wa Kampuni ya Agricultural Pharm, Khamis Mgeja, ameiomba Serikali kutatua changamoto ya huduma za pembejeo vijijini ili kuwaondolea wakulima adha ya kutembea umbali mrefu wa kilomita 60 mpaka 80 kufuata huduma hiyo mjini. Anaripoti Paul Kayanda, Kahama…(endelea).

Mgeja ambaye hivi sasa anajihusisha na masuala ya kilimo baada ya siasa, ameshauri ili kutatua changamoto hiyo ni vyema mawakala kupelekwa hadi vijijini.

Mgeja aliyasema hayo jana alipokuwa akizungumza na waandishi wa habari waliotembelea mashamba yake na kushuhudia uvunaji wa vitunguu katika Kijiji cha Nyanhembe Kata ya Kilago Mkoani Shinyanga.

Aidha mkulima huyo na mwanasiasa mkongwe nchini alisema kuwa anaimani kubwa na serikali yake na kwamba itasikia kilio hicho cha wakulima kuletewa mawakala wa pembejeo vijijini.

“Fursa hii ya kilimo ina mchango mkubwa katika pato la Taifa na ajira kwa wananchi kwa hiyo tukijielekeza huku, ama tukajielekeza kwenye uvuvi, tukajielekeza kwenye mifugo pamoja na viwanda Tanzania suala la kujitegemea linawezekana,” alisema Mgeja .

Akizungumzia suala la deni la Taifa mkurugenzi huyo alisema kwamba tumekuwa tukilalamika sana kuwa deni la taifa linakua ni kwa sababu mahitaji ya maendeleo ya nchi ni makubwa sana.

Alisema kama watanzania hawatafanya kazi hatutaweza kulipa, hivyo amewaomba wanaolalamika kuhusu deni la Taifa wachape kazi badala ya kulalamika.

“Ni vizuri watu wakajielekeza kwenye sekta ya kilimo, Uvuvi na sekta ya viwanda ili tutakapokuza pato la uzalishaji nina imani hata deni la Taifa linaweza kulipwa na tukaweza kusimama na tukajitegemea,” alisema.

“Kwa rasilimali hizi tulizojaliwa na mwenyezi Mungu za Madini, ardhi ya kutosha, mito na maziwa ambapo maji ni mengi yanayoweza hata kufanya kilimo cha umwagiliaji pamoja na mbuga za wanyama yakiwemo mapori ya akiba,” alisema mkulima huyo.

Leave a comment

Leave a Reply

Your email address will not be published. Required fields are marked *

Related Articles

Habari MchanganyikoTangulizi

Haya hapa majina 12 ya familia moja waliofariki kwenye ajali Tanga

Spread the love  MAJINA 12 kati ya 17 ya waliofariki dunia katika...

Habari Mchanganyiko

Rais Samia awalilia 17 waliofariki ajalini wakisafirisha maiti

Spread the love  RAIS Samia Suluhu Hassan, ametuma salamu za rambirambi kwa...

Habari Mchanganyiko

Wanawake wachimbaji wajenga zahanati kuokoa afya za wakazi 2000

Spread the love  ZAIDI wakazi 2,000 wa kijiji cha Nyamishiga Kata ya...

Habari Mchanganyiko

Baada ya Congo DR, Somalia mbioni kujiunga na EAC

Spread the love  TAIFA la Somalia liko mbioni kuwa mwanachama rasmi wa...

error: Content is protected !!