Monday , 26 February 2024
Home Gazeti Habari za Siasa Meya Jacob ataka Chadema kuacha ‘ukondoo’
Habari za Siasa

Meya Jacob ataka Chadema kuacha ‘ukondoo’

Spread the love

BONIFACE Jacob, Meya wa Manispaa ya Ubungo, jijini Dar es Salaam ambaye pia ni Diwani wa Kata ya Ubungo, amewataka viongozi na wanachama wa chama chake kuacha kusubiri huruma ya kuruhusiwa kufanya siasa kutoka kwa chama tawala, anaandika Mwandishi Wetu.

Jacob ameyasema hayo ikiwa ni muda mfupi baada ya kuswekwa rumande kwa masaa 48 kwa amri ya Kisare Makori Mkuu wa Wilaya ya Ubungo, kwa madai ya kutumia ofisi za manispaa kwa shughuli za chama chake – Chama cha Demokrasia na Maendeleo (Chadema).

Meya huyo anayeongoza manispaa ya Ubungo yenye majimbo ya Kibamba na Ubungo, alituhumiwa kuwakaribisha ofisi za halmashauri viongozi wa Chadema Kanda ya Pwani, wakiongozwa na Frederick Sumaye, Waziri Mkuu Mstaafu wa Tanzania kwa lengo la kufanya ziara ya ukaguzi wa miradi ya maendeleo.

Baada ya kumaliza masaa 48 akiwa katika kituo cha polisi cha Mbezi – kwa Yusufu, Jacob amesema “Kwenu wanachadema wenzangu, kama kuna wanachadema wanategemea huruma za wana CCM (Chama Cha Mapinduzi) kufanya siasa, waache siasa.

Sababu kwa kufanya hivyo, itakuwa ni sawa na kumuomba Sheikh (kiongozi wa kiislamu) akuchinjie nguruwe ili usile nyama haramu.”

Maneno haya ya Jacob yametafsiriwa kama ni kuwataka wanachama wa chama hicho na viongozi kuongeza ari ya kukijenga chama hicho kote nchini bila kujali vikwazo na vitisho vya Serikali ya Chama Cha Mapinduzi.

Viongozi wa Chadema wamekuwa katika wakati mgumu wa kufanya shughuli za kisiasa tangu serikali ya awamu ya tano iingie madarakani, kwani mikutano ya hadhara na hata vikao vya ndani vimekuwa vikikatazwa na kuingiliwa na Jeshi la Polisi mara kwa mara.

Pia Rais John Magufuli ametoa amri ya kupiga marufuku mikutano ya hadhara kwa viongozi wa vyama vya siasa wasiokuwa wabunge au madiwani na akiamuru wenyeviti, madiwani, na wabunge wafanye mikutano hiyo katika majimbo wanayoyaongoza tu. .

 

Leave a comment

Leave a Reply

Your email address will not be published. Required fields are marked *

Related Articles

Habari za Siasa

Hamahama Ngorongoro kutikisa maandamano ya Chadema Arusha

Spread the loveMAELFU ya wanachama na wafuasi wa Chama cha Demokrasia na...

Habari za SiasaTangulizi

Waliofariki ajalini Arusha kuagwa siku ya maandamano Chadema

Spread the loveMIILI ya watu 25 waliofariki dunia katika ajali iliyohusisha lori...

Habari za SiasaTangulizi

Serikali kuiburuzwa mahakamani ajali iliyoua 25 Arusha

Spread the loveMTANDAO wa Watetezi wa Haki za Binadamu Tanzania (THRDC), imeitaka...

Habari za SiasaTangulizi

Samia atoa pole ajali iliyoua 25, kujeruhi 21 Arusha

Spread the loveRais Samia Suluhu Hassan ametuma salamu za rambirambi kwa Mkuu...

error: Content is protected !!