‘Meya’ Chadema ashinda kura za maoni Moshi Mjini

Mwandishi WetuJuly 16, 20201 Mins read394 Views

Aliyekuwa Meya Manispaa ya Moshi, Raymond Mboya akizungumza kwenye mkutano mkuu wa uchaguzi jimbo la Moshi Mjini baada ya kushinda kura za maoni za kugombea ubunge wa jimbo hilo.

Spread the love

ALIYEKUWA Meya wa Manispaa ya Moshi Mkoa wa Kilimanjaro, Raymond Mboya ameshinda kura za maoni za kuwania nafasi ya ubunge kupitia Cham cha Demokrasia na Maendeleo (Chadema) jimbo la Moshi Mjini. Anaripoti Mwandishi Wetu, Moshi…(endelea).

Mboya ameibuka na ushindi huo leo Alhamisi tarehe 16 Julai 2020 baada ya kupigiwa kura za maoni 117 sawa na asilimia 70.9 ya kura zote 165.

Miongoni mwa washindani wake wa karibu, Mwenyekiti wa Chadema Mkoa wa Kilimanjaro, Michael Kilawila ameoafa kura 32 sawa na asilimia 19.4, Colins Tamimu kura 10 sawa na asilimia 6 na Antony Ndewawio kura 6 sawa asilimia 3.6.

Matokeo hayo yametangazwa na msimamizi wa uchaguzi jimbo la Moshi mjini, Ephata Nanyaro ambapo amesema matokeo hayo ni mchakato wa awali mpaka hapo halmashauri kuu itakapokaa huku akiwataka wananchi kuendea kuwa na utulivu.

“Haya ni mtokeo ya awali na kamati kuu itakuwa na mamlaka ya mwisho na kufanya uteuzi wa mwisho,” amesema Nanyaro

Akizungumza baada ya matokeo hayo, Mboya amewashukuru wajumbe kwa kumuamini na kuona anaweza kusimama katika jimbo hilo ambapo amesema atakilinda chama hicho na kuhakikisha anawavusha katika uchaguzi mkuu.