Friday , 29 March 2024
Home Habari Mchanganyiko Mchanga wa dhahabu kumng’oa mwingine?
Habari MchanganyikoTangulizi

Mchanga wa dhahabu kumng’oa mwingine?

John Magufuli, Rais wa Tanzania akipokea ripoti kutoka kwa Profesa Abdulmalik Mruma Mwenyekiti wa Kamati ya kwanza ya Wataalam wa Jiolojia iliyoiundwa kwa ajili ya kuchunguza kiwango na aina ya madini yaliyopo kwenye mchanga wa madini (Makinikia)
Spread the love

RAIS John Magufuli anatarajia kupokea ripoti ya pili kuhusu usafirishaji wa mchanga wa dhahabau (maknikia) Jumatatu ya tarehe 12 Juni mwaka huu, ikiwa ni wiki tatu tu tangu apokee ripoti ya kwanza iliyosababisha kung’olewa madarakani kwa Profesa Sospeter Muhongo, aliyekuwa Waziri wa Nishati na Madini, anaandika Hamis Mguta.

Kamati ya kwanza iliyongozwa na Profesa Abdulkarim Mruma illiundwa wataalamu wa masuala ya jiolojia, kemikali na uchambuzi wa kisayansi, lakini kamati ya pili iliyo chini ya Prof. Nehemiah Eliachim Osoro na ambayo itawasilisha ripoti yake Jumatatu imesheheni wachumi na wanasheria tu.

Gerson Msigwa, Mkurugenzi wa Mawasiliano ya Rais Ikulu, amesema tukio hilo litarushwa hewani moja kwa moja kupitia redio, televisheni, mitandao ya kijamii na tovuti rasmi ya Ikulu ambayo ni www.ikulu.go.tz kuanzia saa 3:30 asubuhi.

Rais Magufuli alipokea ripoti ya kamati ya kwanza yenye wajumbe wanane Mei 24, mwaka huu iliyochunguza viwango vya madini yaliyomo kwenye mchanga wa madini uliomo ndani ya makontena yaliyozuiliwa na Serikali kusafirishwa nje ya nchi.

Kamati hiyo iliteuliwa na Rais Machi 29, mwaka huu. Huku Kamati ya wanasheria na wachumi ikiteuliwa Aprili 10 mwaka huu.

Baada ya kuipokea ripoti hiyo, Rais Magufuli aliytengua uteuzi wa Prof. Muhongo huku akiahidi kuchukua hatua zaidi baada ya kupokea ripoti ya pili.

Sambamba na uamuzi huo lakini pia Rais aliivunja Bodi ya Wakala wa Ukaguzi wa Madini Tanzania (TMAA) na kumsimamisha kazi mkurugenzi mtendaji wake.

Leave a comment

Leave a Reply

Your email address will not be published. Required fields are marked *

Related Articles

Habari Mchanganyiko

Puma Energy Tz: Watanzania tudumishe amani kuvutia uwekezaji

Spread the loveKAMPUNI ya Mafuta ya Puma Tanzania imewakutanisha wadau mbalimbali katika...

Habari Mchanganyiko

DAWASA waanza utekelezaji agizo la Samia

Spread the loveMamlaka ya Majisafi na Usafi wa Mazingira Dar es Salaam...

Habari MchanganyikoKimataifa

Zuma akataliwa kugombea urais

Spread the loveTUME Huru ya Uchaguzi Afrika Kusini (IEC) imemwondoa rais wa...

KimataifaTangulizi

Zuma akataliwa kugombea urais

Spread the love  TUME Huru ya Uchaguzi Afrika Kusini (IEC) imemwondoa rais...

error: Content is protected !!