Monday , 27 May 2024
Home Gazeti Habari za Siasa Mbunge CUF amtega Rais Magufuli
Habari za Siasa

Mbunge CUF amtega Rais Magufuli

Spread the love
MBUNGE wa Kilwa Kusini (CUF), Sulemani Bungala ameitaka serikali kuruhusu wavuvi wadogo wadogo kuendelea na shughuli zao. Anaripoti Mwandishi Wetu kutoka Dodoma … (endelea).

Akizungumza bungeni leo Jumanne, Bungala alisema, ni jambo la kusikitisha kuona serikali inaruhusu viwanda vya nyavu vinatengeneza bidhaa hiyo yenye matundu madogo na kuziuza kwa wananchi na kisha serikali kukusanya kodi.

“Mimi sielewi serikali ya Chama Cha Mapinduzi (CCM). Siielewi kabisa. Yaani mimi binafsi, jamni siielewi serikali ya Rais John Pombe Magufuli. Inaruhusu viwanda vya nyavu kutengeneza nyavu zenye matundu madogo; na kisha inapokea kodi ya viwanda hivyo, lakini baadaye inashughulika na wavuvi. Siwaelewi,” alieleza Bungala.

Alisema, “Serikali ya CCM chini ya Rais Maguli, inatoa leseni kwa wavuvi, lakini ghafla inawageuka wavuvi hao hao wenye leseni na kuwanyang’anya nyavu zao na kisha kuwaita wavuvi haramu.”

Mbunge huyo ambaye anafahamika kwa jina la utani la Bwege alisema, “namtaka rais wa wanyonge, awaruhusu wavuvi hawa wa Kilwa Kusini na maeneo mengie, watumie nyavu zao, ili mradi wana leseni ya uvuvi. Maana kama wanyonge, basi wanyonge wenyewe ni wavuvi.”

Bungala alitoa kauli hiyo wakati akichangia hotuba ya Kamati ya Kudumu ya Bunge ya Ardhi na Maliasili. Bunge limepanga kwa siku mzima ya leo, kujadili ripoti ya kamati hiyo na ile ya Kilimo, Maji na Mazingira.

Leave a comment

Leave a Reply

Your email address will not be published. Required fields are marked *

Related Articles

BiasharaHabari za SiasaTangulizi

Mkataba wa Tanesco, Songas watakiwa bungeni

Spread the loveWAKATI mkataba wa Ununuzi wa Umeme kati ya Shirika la...

Habari MchanganyikoHabari za Siasa

Kasekenya aipa Tanroads wiki kukarabati barabara Morogoro

Spread the loveNaibu Waziri wa Ujenzi, Mhandisi Godfrey Kasekenya ametoa wiki moja...

Habari za SiasaTangulizi

‘Aliyemtonya’ Lissu kuhusu rushwa arejea madarakani

Spread the loveMwenyekiti wa zamani wa Chadema Mkoa wa Iringa, William Mungai...

Habari MchanganyikoHabari za Siasa

Rais Samia: Tutaendelea kupigania malengo ya afrika

Spread the loveRais wa Tanzania Samia Suluhu Hassan amesema dhamira ya Tanzania...

error: Content is protected !!