Monday , 27 May 2024
Home Gazeti Habari za Siasa Mbunge CCM azichongea halmashauri bungeni
Habari za Siasa

Mbunge CCM azichongea halmashauri bungeni

Mbunge wa Ulanga, Goodluck Mlinga
Spread the love

GOODLUCK Mlinga, Mbunge wa Ulanga kupitia Chama cha Mapinduzi (CCM), amezichongea halmashauri bungeni, kwamba zina tatizo kubwa la matumizi mabaya na ubadhirifu wa fedha za mapato. Anaripoti Mwandishi Wetu, Dodoma … (endelea).

Mlinga ameibua tuhuma hizo wakati akiuliza swali bungeni jijini Dodoma, leo Ijumaa tarehe 12 Juni 2020. Katika swali lake, Mlinga amehoji Serikali imejipanga vipi kukabiliana na tatizo hilo.

“Kumekuwa na tatizo kubwa la matumizi mabaya na ubadhirifu wa fedha za mapato ya ndani pamoja na ruzuku katika Halmshauri nyingi nchini, je, Serikali imejipanga vipi kukabiliana na tatizo hili,” amehoji Mlinga.

Akijibu swali hilo, Waziri wa Nchi, Ofisi ya Rais-TAMISEMI, amesema Serikali imeboresha mfumo wa ukusanyaji mapato na matumizi, ili kukabiliana na tatizo hilo.

“Katika kukabiliana na ubadhilifu wa fedha kwenye Mamlaka za Serikali za Mitaa, Serikali imechukua hatua mbalimbali ikiwemo, kuboresha mfumo wa ukusanyaji mapato na mifumo ya matumizi (Epicor 10.02 na FFARS) ili kudhibiti ubadhilifu wakati wa makusanyo na wakati wa matumizi,” amesema.

Waziri huyo mwenye dhamana ya Tawala za Mikoa na Serikali za Mitaa, amesema katika mwaka wa fedha wa 2018/2019, Serikali ilizipatia halmashauri zote nchini, mashine bora na za kisasa za kielektroniki kwa ajili ya kukusanya mapato.

Aidha, amesema Serikali  imeimarisha mfumo wa ukaguzi wa ndani kuanzia ngazi ya Halmashauri, pia inatoa ushirikiano wa kutosha kwa Ofisi ya Mdhibiti na Mkaguzi Mkuu wa Hesabu za Serikali (CAG) ili kumuwezesha kufanya kazi yake kikamilifu.

“Serikali pia imekuwa ikichukua hatua za kinidhamu na kisheria kwa watumishi wote wanaobainika kuhusika kwenye ubadhilifu wa fedha za Umma,” amesema Waziri wa Tamisemi.

Leave a comment

Leave a Reply

Your email address will not be published. Required fields are marked *

Related Articles

BiasharaHabari MchanganyikoHabari za Siasa

Wazanzibar watarajia makubwa kutoka NMB Pesa Akaunti

Spread the loveWateja wapya wa Benki ya NMB wa Zanzibar wanatarajia neema...

Habari MchanganyikoHabari za Siasa

Kinana aungana na Tale kugawa mitungi ya gesi 800

Spread the loveMAKAMU Mwenyekiti wa Chama Cha Mapinduzi (CCM) Tanzania Bara, Abdulrahman...

Habari za SiasaTangulizi

Makonda amjibu Mwenyekiti UWT, “wananipa nguvu ya kuwapiga spana”

Spread the loveMKUU wa Mkoa wa Arusha, Paul Makonda amemshukia Mwenyekiti wa...

Habari MchanganyikoHabari za Siasa

Madeni ya bilioni 219 yalipwa, wadai wengine waitwa

Spread the loveSERIKALI imesema kuanzia Mei mwaka 2021 hadi sasa imelipa madai...

error: Content is protected !!