Sunday , 5 February 2023
Home Gazeti Habari za Siasa Mbunge CCM atangaza kujizulu
Habari za SiasaTangulizi

Mbunge CCM atangaza kujizulu

Spread the love

 

SHEHA Mpemba Faki, Mbunge mteule wa Konde Zanzibar kupitia Chama Cha Mapinduzi (CCM), amejiuzulu nafasi hiyo ikiwa ni siku 15, tangu alipotangazwa mshindi wa nafasi hiyo na Tume ya Taifa ya Uchaguzi (NEC). Anaripoti Mwandishi Wetu…(endelea).

Faki aliibuka mshindi katika uchaguzi huo mdogo ulioshirikisha vyama 12 ambao uliofanyika Jumapili ya tarehe 18 Julai 2021.

Uchaguzi huo, ulifanyika kufuatia kifo cha aliyekuwa mbunge wa jimbo hilo la Pemba, Khatibu Said Haji wa ACT-Wazalendo kilichotokea tarehe 20 Mei 2021 katika Hospitali ya Taifa ya Muhimbili, Dar es Salaam.

Taarifa ya Shaka Hamdu Shaka, Katibu wa Itikadi na Uenezi wa CCM, aliyoitoa leo Jumatatu, tarehe 2 Agosti 2021 imesema, “Chama Cha Mapinduzi kimepokea kwa masikitiko barua ya kujizulu kwa mbunge mteule Sheka Mpemba Faki.”

Shaka amesema, katika barua hiyo, Faki ameeleza amefikia uamuzi huo kutokana na changamoto za kifamilia, jambo ambalo chama hakina uwezo wa kumzuia, hasa ikizingatiwa kwamba ni haki ya msingi kama ilivyo kwa haki ya kuomba ridhaa ya kugombea nafasi ndani ya CCM.

“Chama Cha Mapinduzi, kinawaomba wanachama wote kuwa watulivu katika kipindi hiki wakati tunasubiri taratibu nyingine,” imeeleza taarifa hiyo ya CCM

1 Comment

  • Acheni kutafuna maneno kwa kumsingizia Sheha Mpemba Faki maneno yakumpangia kusema, kuweni wakweli wa tatizo ili waliohusika kuvuruga uchaguzi wachukuliwe hatua kali ili iwe fundisho kwa wengine. huo usanii wa kumlisha maneno ni kuendeleaza tena na tena yaliyotokea konde yaendelee kutokea ktk chaguzi zijazo. Wakichukuliwa hatua kali waliohusika mtatupa imani sisi raia na tume itayosimamia chaguzi zitazofuata.huyoo mkuu wa mkoa, waziri wa vikosi vya smz,na mwenyekiti wa zec,na makamishna wote lazima wawajibishwe. Ili raia tuwe na imani,hakika haki huinua taifa.

Leave a Reply

Your email address will not be published. Required fields are marked *

Related Articles

Habari za Siasa

Prof. Muhongo aungana na wananchi ujenzi maabara za sekondari

Spread the loveMBUNGE wa Musoma Vijijini, Profesa Sospeter Muhongo, kwa kushirikiana na...

Habari MchanganyikoTangulizi

Haya hapa majina 12 ya familia moja waliofariki kwenye ajali Tanga

Spread the love  MAJINA 12 kati ya 17 ya waliofariki dunia katika...

Habari za Siasa

CCM apiga marufuku wazazi kuwatumia watoto wa kike kwenye mambo ya kimila

Spread the loveKATIBU Mkuu wa Chama Cha Mapinduzi (CCM) Taifa Daniel Chongolo...

Habari za Siasa

Ofisi za mabalozi wa mashina zitumike kuwale vijana kimaadili – Chongolo

Spread the loveKATIBU Mkuu wa Chama Cha Mapinduzi (CCM) Daniel Chongolo ameagiza...

error: Content is protected !!