Wednesday , 21 February 2024
Home Gazeti Habari za Siasa Mbowe kuongoza kikao cha ‘machinjio’
Habari za SiasaTangulizi

Mbowe kuongoza kikao cha ‘machinjio’

Spread the love

FREEMAN Mbowe, Mwenyekiti wa Chama cha Demokrasia na Maendeleo (Chadema) anatarajia kuongoza kikao cha Kamati Kuu ya chama hicho, cha kuteua wagombea wa nafasi mbalimbali za mabaraza. Anaripoti Regina Mkonde … (endelea).

Mabaraza hayo ni pamoja na Baraza la Wazee Chadema (Bazecha), Baraza la Wanawake Chadema (Bawacha) na Baraza la Vijana Chadema (Bavicha).

Taarifa iliyotolewa Tumaini Makene, Mkuu wa Idara ya Habari na Mawasiliano Chadema tarehe 6 Desemba 2019, inaeleza kikao hicho kitaketi kwa siku moja (Jumamosi) kwa mujibu wa katiba ya chama hicho.

“Kamati Kuu ya chama itakutana kwa siku moja katika kikao chake cha kikatiba ambapo agenda kuu, itakuwa uteuzi wa wagombea wa nafasi mbalimbali za uchaguzi wa mabaraza ya chama. Kikao hicho kitakuwa chini ya Mwenyekiti wa Chama Taifa, Mbowe,” inaeleza taarifa ya Makene.

Taarifa hiyo imeeleza zaidi kuwa, baada ya kikao hicho kuketi, Chadema itatoa taarifa kwa umma kuhusu majina ya watakaoteuliwa kuendelea na mchakato wa uchaguzi.

Chadema inatarajia kufanya uchaguzi wa viongozi wake wa kitaifa tarehe 18 Desemba 2019. Ambapo kwa sasa, uchaguzi wa viongozi wa chama hicho wa kanda, umeshafanyika.

Leave a comment

Leave a Reply

Your email address will not be published. Required fields are marked *

Related Articles

Habari za Siasa

Rais Mwinyi ateua waziri wa uchumi na uwekezaji Zanzibar

Spread the loveRAIS wa Serikali ya Mapinduzi Zanzibar, Dk. Hussein Ali Mwinyi,...

Habari za SiasaTangulizi

Mvua yakatisha mkutano wa Chadema Mbeya

Spread the loveMKUTANO wa hadhara wa Chama cha Demokrasia na Maendeleo (Chadema),...

Habari za Siasa

Sugu atumia maandamano ya Chadema kumfikishia ujumbe Spika Tulia

Spread the loveALIYEKUWA Mbunge wa Mbeya Mjini, Joseph Mbilinyi “Sugu”, ametumia maandamano...

Habari za SiasaTangulizi

Sakata la DP World na bandari lafufuka upya

Spread the loveSAKATA la mkataba wa kiserikali kati ya Tanzania na Imarati...

error: Content is protected !!