Mawakala wa elimu watoa ufafanuzi wa udhamini

KAMPUNI ya Mawakala wa Elimu Solution Ltd, imetoa ufafanuzi jinsi wanavyo wadhamini wanafunzi wa vyuo vikuu, wajasiliamali, na wafanyakazi kwenda kusoma nchini China, Japan na Kusini Korea na wanavyonufaika katika kuendesha kazi hiyo. Anaripoti Angel Willium … (endelea).

Mkurugenzi Mtendaji wa kampuni hiyo, Neithan Swed ametoa ufafanuzi huo wakati wa uzinduzi wa tovuti ya kisasa, ufunguzi wa muhula mpya wa masomo kwa mfumo wa udhamini kwa ngazi ya astashahada na mafunzo ya lugha kwa wanafunzi watakaopata nafasi.

Swed amesema wanafunzi wa vyuo wanaokwenda kusoma nchi mbalimbali wakiwemo wa ngazi ya cheti na mastazi wanaokaa nchini huko kwa miaka zaidi miwili hadi mitatu na maombi yao ufanyika mwezi Januari hadi Machi ambao ufadhili wao unakuwa kamili.

“Wanafunzi wa mastazi wanaweza kulipwa mishahara 300,000 hadi 2,000,000 na watu wa bachela wanakuwa na udhamini mdogo inaweza kuwa akalipiwa chumba cha kulala, ada akalipa mwenyewe akiwa nchini huko, au suala la nauli analipa mwenyewe na ada tunamlipia,” amesema Swed.

Aidha amesema, asilimia 10 au 20 analipa mwanafunzi na 80 inalipa kampuni, kupitia kazi hii wazazi wengi hupeleka watoto kwenda kusoma nje ya nchi na kufikia malengo na upande wa wafanyakazi watakuwa wanaenda kuongeza ujuzi katika kazi zao, hivyo ni mwezi mmoja wanaokaa nchini humo kutokana na ruhusa wanazopata katika maofisi wanayofanyia kazi.

Pia amesema, kuhusu kunufaika na kazi hiyo ni kupitia Taasisi wanazoshirikiana nazo za nje ya nchi kama China, hao ndiyo uwasaidia fedha kama mawakala.

Mawakala wa Elimu ya Solution, wamekuwa na urafiki na vyuo zaidi ya 300 kutoka nchi ya China, Japani na Korea Kusini na wamepata nafasi 1500 za masomo kwa kila muhula mpya na ngazi zote.