Monday , 27 May 2024
Home Gazeti Habari za Siasa Mashabiki wa soka wamliza Nape
Habari za SiasaMichezo

Mashabiki wa soka wamliza Nape

Mbunge wa Mtama, Nape Nnauye (Kulia) akiwa na Waziri wa Habari, Sanaa, Utamaduni na Michezo, Harrison Mwakyembe wakitazama mechi kati ya Taifa Stars na Botswana
Spread the love

UPENDO ambao mashabiki wa mpira wa miguu waliuonesha jana kwa Nape Nnauye, aliyekuwa Waziri wa Habari, Sanaa na Michezo ulimliza kiongozi huyo, anaandika Charles William.

Mashabiki wa soka waliojitokeza Uwanja wa Taifa kushuhudia mchezo wa kirafiki kati ya timu ya taifa – Taifa Stars dhidi ya Botswana, walisimama kwa muda na kumshangilia Nape Nnauye alipoingia uwanjani hapo, ikiwa ni ishara ya kumuunga mkono.

Katika ukurasa wake wa Instagram leo, Nape ameweka video inayonesha mashabiki wakimshangilia kama ishara ya kumtia moyo, huku akiandika “Jana mlinitoa machozi.”

Nape ambaye pia ni Mbunge wa Jimbo la Mtama, mkoani Lindi aliondolewa katika nafasi yake Alhamis ya wiki hii na Rais John Magufuli, ikiwa ni siku moja tu baada ya kueleza kuchukizwa na kitendo cha uvamizi wa ofisi za kituo cha Clouds TV, uliongozwa na Paul Makonda, Mkuu wa Mkoa wa Dar es Salaam.

Siku hiyohiyo pia Nape alikabiliwa na maofisa usalama, ili kuzuiwa kuzungumza na wanahabari baada ya kuenguliwa katika wadhifa wake. Tukio la kumzuia Nape liliambatana na mmoja wa maofisa usalama kumnyoshea bastola ili kumshinikiza aingie kwenye gari lake na asizungumze na wanahabari.

Tangu kutokea kwa tukio hilo watu wa kada mbalimbali wakiwemo viongozi wa Serikali, vyama vya siasa, wasanii, wananchi na wasomi wamejitokeza na kulaani kitendo alichofanyiwa Nape, huku wakimtia moyo.

Wamekuwa wakimtaka aendelee kusimamia haki pasipo kuyumba wala kuogopa.

Leave a comment

Leave a Reply

Your email address will not be published. Required fields are marked *

Related Articles

BiasharaHabari MchanganyikoHabari za Siasa

Wazanzibar watarajia makubwa kutoka NMB Pesa Akaunti

Spread the loveWateja wapya wa Benki ya NMB wa Zanzibar wanatarajia neema...

Habari MchanganyikoHabari za Siasa

Kinana aungana na Tale kugawa mitungi ya gesi 800

Spread the loveMAKAMU Mwenyekiti wa Chama Cha Mapinduzi (CCM) Tanzania Bara, Abdulrahman...

Habari MchanganyikoMichezo

NBC yakabidhi Kombe la Ubingwa wa Vijana (U20) kwa Kagera Sugar FC

Spread the loveMdhamini mkuu wa Ligi ya Vijana chini ya miaka 20...

Habari za SiasaTangulizi

Makonda amjibu Mwenyekiti UWT, “wananipa nguvu ya kuwapiga spana”

Spread the loveMKUU wa Mkoa wa Arusha, Paul Makonda amemshukia Mwenyekiti wa...

error: Content is protected !!