Friday , 29 March 2024
Home Gazeti Habari Marekani yajitosa ujenzi bandari ya Bagamoyo
HabariHabari Mchanganyiko

Marekani yajitosa ujenzi bandari ya Bagamoyo

Spread the love

SERIKALI ya Marekani imeahidi kutoa ushauri wa kitaalamu kuhusu ujenzi wa Bandari ya Bagamoyo, kama Tanzania itakubali kupokea msaada huo. Anaripoti Mwandishi Wetu, Dar es Salaam…(endelea).

Taarifa hiyo imetolewa leo Alhamisi, tarehe 12 Mei 2022, jijini Dar es Salaam na Mkurugenzi wa Mawasiliano ya Rais-Ikulu, Zuhura Yunus, akielezea mafanikio ya ziara ya kikazo iliyofanywa na Rais Samia Suluhu Hassan, nchini Marekani, Aprili mwaka huu.

“Kwa upande wa ujenzi wa Bagamoyo, Serikali ya Marekani wao wamesema iko tayari kutoa utaalamu wa ushauri kuhusu ujenzi huo wa Bandari ya Bagamoyo endapo Seriklai ya Tanzania itahitaji,” amesema Zuhura.

Katika nyingine, Zuhura amesema, Marekani imeridhishwa na hali ya kisiasa iliyopo nchini, na kwamba imeahidi kuendelea kushirikiana na Tanzania katika masuala hayo.

“Nchi ya Marekani wameridhishwa na hali ya kisiasa inavyoendelea nchini, hivyo wanaona ni muhimu kuendelea kushirikiana na Tanzania kwenye mambo hayo,” amesema Zuhura.

Ujenzi wa bandari hiyo ulizinduliwa 2015 na Serikali ya Awamu ya Nne, chini ya Rais Jakaya Kikwete, lakini Juni 2019, Serikali ya Awamu ya Tano, chini ya Rais Hayati John Magufuli, ulisitisha utekelzaji wa mradi huo uliokuwa chini ya mradi wa ukanda maalumu wa kiuchumi wa Bagamoyo.

Mradi huo ulikuwa ukifadhiliwa na Serikali ya China, ulisitishwa na Rais Magufuli kwa maelezo kwamba mkataba wake ulikuwa wa hovyo.

Hata hivyo, Serikali ya Awamu ya Sita, chini ya Rais Samia Suluhu Hassan, umefufua majadiliano kuhusu ujenzi wa mradi huo na wawekezaji.

2 Comments

  • Huo mradi ni sehemu ya mtandao wa kimataifa wa Belt and Road unaogharamiwa na China. Sasa inawezekanaje Marekani ikaingilia? Ni mtego

  • Yuko wapi msemaji wa serikali ya Marekani. Na asiseme kampuni fulani inadanya kwani serikali ya Marekani husimamia na si kusaidia inachotoa.
    Tusiendelee kudanganywa na vikampuni hewa na vile vya visiwani Cayman na Guersey havina nchi na vinakwepa kodi za EU.

Leave a Reply

Your email address will not be published. Required fields are marked *

Related Articles

Habari Mchanganyiko

Mtandao watetezi wa haki za mazingira Tanzania waundwa

Spread the loveMTANDAO wa watetezi wa haki za mazingira nchini Tanzania, umeundwa...

Habari MchanganyikoHabari za Siasa

Kapinga kuongoza usambazaji wa mitungi ya gesi 10,000 ya Taifa Gas

Spread the loveNaibu Waziri wa Nishati, Judith Kapinga ameahidi kuongoza kwa ufanisi...

BiasharaHabari Mchanganyiko

Wafanyabiashara, wawekezaji China waridhia kuwekeza bil. 800 katika sekta 5 nchini

Spread the loveUJUMBE wa wafanyabiashara na wawekezaji wakubwa kutoka Jimbo la Changzhou...

Habari Mchanganyiko

Bil. 4.42 kumaliza uhaba maji kata 2 Musoma Vijijini

Spread the loveWANANCHI wa kata za Busambara na Kiriba, Jimbo la Musoma...

error: Content is protected !!