Monday , 27 May 2024
Home Kitengo Habari Kimataifa Marekani yahaha kuwasaka wadukuzi wa mitandao
Kimataifa

Marekani yahaha kuwasaka wadukuzi wa mitandao

Spread the love

BARAZA la Usalama la Taifa jijini Washington, Marekani limesema linachunguza shambulio kubwa la kimtandao ambalo limekumba mifumo ya kompyuta duniani kote, anaandika Hamis Mguta.

Mamlaka nchini Marekani zimesema zimedhamiria kuwachukulia hatua wahusika wa uhalifu huo wa mtandaoni, uliosababisha makampuni, taasisi mbalimbali pamoja na watu binafsi kupoteza taarifa zao nyeti baada ya shambulizi la kimtandao.

Mashirika mbalimbali zikiwemo taasisi za kifedha, idara za serikali, makampuni makubwa, na kampuni za usafirishaji ni miongoni mwa zilizoathirika ambapo wadukuzi wa mitandaoni walizishikilia na kuzipoteza taarifa mbalimbali za mitandao.

Wamiliki wa mitandao husika waliambiwa na wadukuzi kuwa kompyuta zao zimenaswa mpaka walipe kiasi cha Dola mia tatu za Marekani katika akaunti isiyofahamika. Huku Wizara ya Mambo ya Ndani ya Marekani ikiwashauri watu wasilipe fedha hizo.

Hata hivyo wizara hiyo imesema hakuna uhakika kwamba, mafaili yaliyofungwa yatafunguka baada ya malipo hayo kufanyika.

Shambulio hilo la kimtandao lilianza nchini Ukraine na linaendelea sehemu nyengine duniani na baadhi ya mashirika yanayoripoti tatizo hilo ni pamoja na Benki kuu nchini humo na kampuni ya kuunda ndege ya Antonov na mashirika mawili ya posta.

Kampuni ya mafuta nchini Urusi ya Rosneft na ile ya Denmark ya Maersk ni miongoni mwa zilizokumbwa na shambulizi hilo la kimtandao.

Leave a comment

Leave a Reply

Your email address will not be published. Required fields are marked *

Related Articles

Habari za SiasaKimataifa

Ayatollah Khamenei aongoza wairan kumuaga Raisi

Spread the loveKiongozi wa Juu wa Iran Ayatollah Ali Khamenei, ameongoza mjini...

AfyaKimataifaTangulizi

Waliowekewa damu yenye VVU, homa ya ini kulipwa fidia trilioni 32.9

Spread the loveWaziri mkuu wa Uingereza, Rishi Sunak ameahidi kulipa fidia ya...

Habari za SiasaKimataifa

Balozi Kasike ateta na mjumbe wa FRELIMO

Spread the loveBalozi wa Jamhuri ya Muungano wa Tanzania nchini Msumbiji, Phaustine...

Kimataifa

Zuma akwaa kisiki, mahakama yamzuia kuwani urais

Spread the loveMahakama ya katiba nchini Afrika Kusini, katika uamuzi wake imesema...

error: Content is protected !!