Monday , 22 April 2024
Home Habari Mchanganyiko ‘Maganda ya korosho yana thamani  kubwa kuliko korosho yenyewe’
Habari Mchanganyiko

‘Maganda ya korosho yana thamani  kubwa kuliko korosho yenyewe’

Geofrey Mwambe, Mkurugenzi wa Kituo cha Uwekezaji Tanzania (TIC)
Spread the love
GEOFREY Mwambe, Mkurugenzi wa Kituo cha Uwekezaji Tanzania (TIC) amesema, zao la korosho lina thamani kubwa lakini bei ya zinazoliwa ni asilimia 5 au 10 ya thamani yote. Anaandika Hamisi Mguta … (endelea).

Akizungumza na Waandishi wa Habari leo jijini Dar es Salaam Mwambe amesema, hivi karibuni wamefanya kongamano lililokutanisha wawekezaji mbalimbali mkoani Mtwara, ambapo wawekezaji kutoka nchi mbalimbali walioshiriki wamewafungua macho juu ya zao hilo kuwa na thamani kubwa kuliko inavyodhaniwa.

Amesema, ukubwa wa thamani ya zao hilo ni kutokana na kuuzwa kuanzia tunda (bibo), maganda hadi korosho yenyewe na kuwa, thamani ya bibo au maganda ni kubwa kuliko korosho yenyewe.

“Yale matunda ya korosho unatengenezea juisi, Wine ambazo zinauzwa kwa gharama kubwa, lakini pia unaweza kutengeneza hata pombe kali au biskuti.

“… hivyo wawekezaji wametufungua macho kwasababu kuna wengine wanataka maganda tu kwa ajili ya kukamua mafuta, wametuonyesha ni jinsi gani maganda yana thamani kuliko hata korosho yenyewe,” amesema.

Mwambe amesema, korosho zinazoliwa pia zinaweza kutumika kutengeneza ‘maziwa ya korosho’ ambayo pia yanaweza kuuzwa na kuliongezea thamani zao hilo hivyo kipindi cha nyuma  nchi ilikuwa hainufaiki na zao hilo.

“Korosho pia zinatumika kutengeneza maziwa kama yale ya Soya na kupakiwa kwenye maboksi ni kitu ambacho hakikuwahi kufikirika kama zao la Korosho linaweza kuleta kitu cha namna hiyo,”amesema.

Leave a comment

Leave a Reply

Your email address will not be published. Required fields are marked *

Related Articles

Habari MchanganyikoHabari za Siasa

NMB yadhamini Mkutano Mkuu ALAT, kufunguliwa na Samia

Spread the loveBENKI ya NMB, imekabidhi hundi yenye thamani ya Sh. 120...

Habari Mchanganyiko

DC ampongeza Dk. Rose Rwakatare kwa kusaidia waathirika wa mafuriko Mlimba

Spread the loveMWENYEKITI wa Wazazi CCM Mkoa wa Morogoro, Dk.  Rose Rwakatare...

Habari MchanganyikoHabari za Siasa

Mipango na uwekezaji kutumia bilioni 121.3, mradi wa Bagamoyo wapewa kipaumbele

Spread the loveWIZARA ya Ofisi ya Rais, Mipango na Uwekezaji, imeliomba Bunge...

Habari MchanganyikoHabari za Siasa

Mbunge ataka kasi uzalishaji walimu ipunguzwe akidai hakuna ajira

Spread the loveMBUNGE wa Mlalo (CCM), Rashid Shangazi, ameishauri Serikali ipunguze kasi...

error: Content is protected !!