Saturday , 22 June 2024
Home Gazeti Habari za Siasa Maalim Seif: Hiki ndicho kilichowaponza UAMSHO
Habari za Siasa

Maalim Seif: Hiki ndicho kilichowaponza UAMSHO

Spread the love

SIASA za kukomoana zimetamalaki Zanzibar na hiki ndicho kilichosababisha viongozi wa Jumuiya ya Uamsho na Mihadhara ya Kiislamu Zanzibar kusota rumande bila sababu za kueleweka. Anaripoti Kelvin Mwaipungu, Zanzibar … (endelea).

Kauli hiyo ilitolewa na Maalim Seif Shariff Hamad, mshauri mkuu wa Chama ACT Wazalendo katika kongamano la kuadhimisha miaka tisa ya kuasisiwa kwa mfumo wa serikali ya Umoja wa Kitaifa Zanzibar (SUK) lililofanyika tarehe 31 Julai 2019.

“Kitendo cha Masheikh wa Uamsho kuendelea kusota rumande jijini Dar es salaam kwa miaka sita bila sababu ya msingi, ni matokeo ya siasa za kukomoana zilizotamalaki Zanzibar baada ya kuhujumiwa kwa maridhiano ya Wazanzibari,” amesema Maalim Seif.

Viongozi wa Uamsho walikamatwa mwaka 2012 visiwani Zanzibar kwa madai ya kusababisha vurugu na kuhifadhi magaidi.

Akifafanua zaidi athari zinazotokana na kuvunjwa kwa maridhiano hayo, Maalim Seif alisema, baadhi ya jamaa, ndugu na hata marafiki wa viongozi hoa wamekuwa wakitishwa.

Ni wale ambao wamekuwa wakifuatilia taarifa na mwenendo wa suala la viongozi hao wa dini na maarufu visiwani humo.

Tarehe 31 Julai 2010, Wazanzibari kupitia kura ya maoni, zaidi ya asilimia 60 ya Wazanzibari walichagua kuongozwa kwa mfumo wa serikali ya umoja wa kitaifa.

Kwa mara ya kwanza iliundwa baada ya uchaguzi mkuu wa Oktoba 2010 na kuongozwa na Dk. Ali Mohammed Shein ambapo Maalim Seif akiwa Makamu wa Kwanza wa Rais.

Hatua hiyo ilifikiwa baada ya Maalim Seif akiwa Katibu Mkuu wa Chama Cha Wananchi (CUF), kukutana kwa faragha na aliyekuwa Rais wa Zanzibar, Amani Abeid Karume na kukubaliana kufuta siasa chafu za ubaguzi chuki na uhasama. Mkutano wao ulifikia kilele tarehe 5 Novemba 2009.

Leave a comment

Leave a Reply

Your email address will not be published. Required fields are marked *

Related Articles

Habari MchanganyikoHabari za Siasa

Serikali yaahidi kushirikiana na Prof. Ndakidemi kuhamasisha zao la kahawa

Spread the loveSerikali imeahidi kuungana na Mbunge wa Moshi Vijijini, Profesa Patrick...

BiasharaHabari MchanganyikoHabari za Siasa

IMF yaimwagia Tanzania trilioni 2.4 kukabili mabadiliko ya hali ya hewa

Spread the loveShirika la Kimataifa la Fedha (IMF) jana Alhamisi limesema bodi...

Habari za SiasaKimataifa

Mmoja afariki, 30 wajeruhiwa maandamano Kenya

Spread the loveMtu mmoja ameripotiwa kuuawa na wengine zaidi ya 30 kujeruhiwa...

Habari MchanganyikoHabari za Siasa

Nape awaomba wadau wa habari wamuamini

Spread the loveWAZIRI wa Habari, Mawasiliano na Teknolojia ya Habari, Nape Nnauye...

error: Content is protected !!