Friday , 29 March 2024
Home Gazeti Habari za Siasa Maalim Seif azungumzia ‘usaliti’ kwa Rais Aboud Jumbe
Habari za Siasa

Maalim Seif azungumzia ‘usaliti’ kwa Rais Aboud Jumbe

Rais Mstaafu wa Zanzibar, Aboud Jumbe Mwinyi
Spread the love

WATU waliokuwa karibu na Rais Aboud Jumbe wakati huo, ndio walioiba waraka na kutoa nakala, kisha ule asili ‘original’ wakaurudishwa, nakala nyingine waliipeleka kwa Malimu (Mwal. Julius Nyerere). Anaripoti Regina Mkonde … (endelea).

Ni kauli ya Maalim Seif Sharif Hamad, aliyoitoa leo tarehe 15 Novemba 2019, akizungumzia tuhuma za kumfitinisha Rais Jumbe, aliyekuwa Rais wa Zanzibar kwa Mwal. Nyerere.

Akizungumza kwenye mahojiano katika kipindi cha Konani, kilichorushwa na Televisheni ya Mtandaoni ya ITV, Maalim Seif amesema, asingeweza kumsaliti Rais Jumbe kutokana na mchango wake kwake.

“Mimi kwamba inasemekana nilimfitini Abdu Jumbe, hapana si kweli, mimi Jumbe siwezi kumfitini. Yeye ndiyo alinifikisha nilipofika, kwa sababu nimekuwa waziri kwa sababu yake, mimi si mtu wa aina hiyo, kwamba huyu mtu alinifadhili halafu nimgeuke,” amesema Maalim Seif.

Maalim Seif amesema, usaliti ulifanywa na watu wa karibu wa Rais Jumbe ambao hakutaja majina yao, walimsaliti kwa kumuibia waraka kuhusu muungano wa Tanganyika na Zanzibar, kisha wakaupeleka kwa Mwalimu Nyerere.

Mwanasiasa huyo nguli wa Zanzibar ambaye sasa ni mshauri wa Chama cha ACT-Wazalendo amesema, baada ya waraka huo kuibwa, ilionekana kwamba Serikali ya Zanzibar ina mpango wa kuuvunja muungano.

“Kabla ya kujiuzulu marehemu Jumbe, kulitokea kitu ambacho CCM walikiita kuchafuka kwa hali ya hewa ya kisiasa, ilikuwa Zanzibar wana madai yao.

“…kwamba lazima muungano huu utazamwe upya, suala hilo likaenda, ikaonekana kwamba serikali ya Zanzibar ina mpango wa kutaka kuvunja muungano,” amesema Maalim.

Leave a comment

Leave a Reply

Your email address will not be published. Required fields are marked *

Related Articles

Habari za SiasaMakala & Uchambuzi

Nani anasema kuna hasara ATCL?

Spread the loveRIPOTI za makusanyo na matumizi ya fedha katika Kampuni ya...

Habari za SiasaTangulizi

CAG: Wastaafu, wenza wao chanzo NHIF kufilisika

Spread the loveRIPOTI ya ukaguzi ya Mdhibiti na Mkaguzi Mkuu wa Hesabu...

Habari za SiasaTangulizi

Vikundi hewa 851 vyalamba bilioni 2.6 mikopo ya halmashauri

Spread the loveVIKUNDI hewa vya wajasirimali wadogo 851 kutoka katika halmashauri 19...

Habari za SiasaTangulizi

Mashirika matano yapata hasara mabilioni ya fedha

Spread the loveMASHIRIKA matano ya Serikali yanayojiendesha kibiashara, yamepata hasara ya mabilioni...

error: Content is protected !!