Lowassa atunukiwa tuzo, mwanae asema…

Mwandishi WetuMarch 22, 20221 Mins read218 Views

Spread the love

WAZIRI Mkuu wa zamani wa Tanzania, Edward Lowasa, ametunukiwa Tuzo ya Baraza la Mawaziri wa Maji Afrika (AMCOW). Anaripoti Mwandishi Wetu, Senegal … (endelea).

Tuzo hiyo imetolewa leo Jumanne, tarehe 22 Machi 2022 jijini Dakar, Senegal na Waziri wa Maji wa Nigeria, Suleiman Adam ambapo imepokelewa na Fredrick ambaye ni mwanae.

Fredrick akizungumza kwenye baraza hilo ambalo baba yake ni miongoni mwa waasisi wake, alisema “niko hapa leo kupokea tuzo kwa niaba ya baba yangu, ni bahati mbaya hayuko vizuri kwa sasa, amelazwa hospitali lakini tunaamini kwa maombi yenu ataamka tena na kulitumikia taifa lake.”

Amesema, baba yake kipaumbele chake kikuu kilikua maji na elimu, jambo lililomsukuma kwenye wakati wake akiwa kama Waziri wa Maji kwenda Nnchini Misri kupigania matumizi ya maji ya ziwa viktoria kwa wote ili kukomboa wakina mama ambao leo hii kwa jitihada hizo zaidi ya vijiji 500 kanda ya ziwa ni wanufaikaji wa maji hayo.

“Baba yangu angekuwa hapa leo naamini angekuwa na mengi ya kuzungumza na wenzake juu ya safari yao ya miaka hii 20 ya (AMCOW).”

“Mimi nikiwa Mbunge wa Monduli kwa sasa, ambapo baba yangu alikuwa mbunge kwa miaka zaidi ya 20, ambapo aliapa kuwaletea maji wana Monduli, ADB (Benki ya Maendeleo ya Afrika) ilitoa msaada uliosaidia sana,” amesema Fredrick

“Lakini kutokana na hali ya Monduli, bado kina baba na kina mama wanatembea umbali mrefu kutafuta maji.”

Mbunge huyo amesema “Niseme hapa leo, Monduli inahitaji AMCOW, Tanzania inataka AMCOW na Afrika inataka AMCOW.”

Previous post Rais Samia aeleza mafanikio kuanzishwa RUWASA

Next post DPP amwacha huru Abdul Nondo

1 Comment

Dre says:

March 23, 2022 at 9:42 am

Monduli hakuna maji!
Yale maji ya Mto Themi yaliyovutwa Monduli yamekwenda wapi?
Monduli kuna maji ila nyinyi hamuwi watundu wa kuyatafuta hapohapo au ni wazi wavivu. Kila kitu mnasubiri serikali kuu!