Tuesday , 27 February 2024
Home Gazeti Habari za Siasa Lowassa atiwa mbaroni Geita
Habari za SiasaTangulizi

Lowassa atiwa mbaroni Geita

Edward Lowassa, Mjumbe wa Kamati Kuu ya Chadema, akisalimiana na wananchi mkoani Kagera, alipohudhuria misa ya kuwaombea wahanga wa tetemeko
Spread the love

EDWARD Lowassa, Mjumbe wa Kamati Kuu ya Chama cha Demokrasia na Maendeleo na aliyewahi kuwa Waziri Mkuu wa Jamhuri ya Muungano wa Tanzania amekamatwa na Jeshi la Polisi mkoani Geita akituhumiwa kufanya mkusanyiko usio halali, anaandika Charles William.

Lowassa amekamatwa alasiri ya leo baada ya kukatiza kwa mguu katika eneo stendi ya mabasi Geita, ambapo wananchi wengi walimzunguka wakimsalimia na kusababisha msongamano mkubwa wa watu, kila mtu wakitaka kumsogelea.

Hata hivyo taarifa zaidi kutoka mkoani Geita zimeeleza kwamba, mbali na Lowassa kukamatwa lakini pia baadhi ya waandishi wa habari walipigwa na kukamatwa na askari waliofika eneo la tukio kumkamata Lowassa.

“Askari walifika wakiwa katika magari matatu huku wakiwa wamejihami kwa silaha za moto, wamewapiga waandishi wa habari na kumkamata Lowassa ambapo wamempeleka Kituo Kikuu cha Polisi Geita,” kimeeleza chanzo chetu.

Khamis Mgeja, mmoja kati ya watu waliokuwa wameambatana na Lowassa katika msafara huo amesema, Lowassa alikuwa akielekea sokoni kununua matunda na kwamba wanashangaa kwanini Polisi wamemkamata.

“Alikuwa anapita sokoni kununua matunda, watu wakajazana kumsalimia na yeye kama mtu muungwana akawa akisalimiana nao, polisi wakafika kumkamata na wamempeleka kituo kikuu cha polisi,” amesema kwa simu Mgeja alipozungumza na MwanaHALISI Online.

Taarifa zaidi kuhusu tukio hili zitakujia kwa kadri tutakavyokuwa tukipokea…

Leave a comment

Leave a Reply

Your email address will not be published. Required fields are marked *

Related Articles

Habari za Siasa

Hamahama Ngorongoro kutikisa maandamano ya Chadema Arusha

Spread the loveMAELFU ya wanachama na wafuasi wa Chama cha Demokrasia na...

Habari za SiasaTangulizi

Waliofariki ajalini Arusha kuagwa siku ya maandamano Chadema

Spread the loveMIILI ya watu 25 waliofariki dunia katika ajali iliyohusisha lori...

Habari za SiasaTangulizi

Serikali kuiburuzwa mahakamani ajali iliyoua 25 Arusha

Spread the loveMTANDAO wa Watetezi wa Haki za Binadamu Tanzania (THRDC), imeitaka...

Habari za SiasaTangulizi

Samia atoa pole ajali iliyoua 25, kujeruhi 21 Arusha

Spread the loveRais Samia Suluhu Hassan ametuma salamu za rambirambi kwa Mkuu...

error: Content is protected !!