Sunday , 19 May 2024
Home Gazeti Habari za Siasa Lissu atua Ubelgiji, aahidi makubwa
Habari za SiasaTangulizi

Lissu atua Ubelgiji, aahidi makubwa

Tundu Lissu, aliyekuwa Mgombea Urais wa Tanzania kwa tiketi ya Chadema akiwasili nchini Ubelgiji
Spread the love

KIONGOZI wa upinzani nchini Tanzania, Tundu Antipas Lissu, amewasili salama jijini Brussel, nchini Ubelgiji leo asubuhi ya Jumatano tarehe 11 Novemba 202. Anaripoti Saed Kubenea, Dar es Salaam … (endelea).

Lissu aliwasili katika uwanja wa ndege wa Zaventen Brussel, majira ya saa 3 na dakika 26 asubuhi na kupokelewa na baadhi ya Watanzania waishio nchini humo na marafiki zake wengine.

Makamu Mwenyekiti huyo wa Chama cha Demokrasia na Maendeleo (CHADEMA), aliondoka Tanzania jana Jumatatu kwenda Ubelgiji kwa ndege ya shirika la ndege la Ethiopia, kwa maelezo kuwa anahofia usalama wa maisha yake endapo ataendelea kuishi Tanzania.

Alikuwa mmoja wa wagombea urais katika uchaguzi mkuu wa tarehe 28 Oktoba 2020, ambako alitangazwa na Tume ya Taifa ya Uchaguzi ya Tanzania (NEC) kuwa mshindi wa pili, nyuma ya Rais John Pombe Magufuli wa Chama Cha Mapinduzi (CCM).

Tokea kumalizika kwa uchaguzi huo, Lissu aliyedai kuwa uchaguzi mkuu uliyopita uligubikwa na udanganyifu na wizi wa kura, amekuwa akidai kupokea vitisho dhidi ya maisha yake.

Tundu Lissu akipokewa na mke wake

Mwanasiasa huyo aliyewahi kushambuliwa kwa risasi na wanaoitwa, “watu wasiojulikana,” akiwa nje ya nyumba yake, Area D, mjini Dodoma, amesisitiza kuondoka kwake nchini, hakumaanishi anakwenda kuomba ukimbizi.

Lissu alishambuliwa kwa risasi, wakati akitokea bungeni tarehe 7 Septemba 2017, ambako alishiriki mkutano wa Bunge la asubuhi.

“Nimeondoka Tanzania kuja hapa Ubelgiji, ili kuokoa maisha yangu yaliyokuwa hatarini,” ameeleza Lissu, muda mfupi baada ya kutoka nje ya uwanja wa ndege wa Zaventen, Brussel.

Aliongeza, “sijakimbia mapambano. Sijawakimbia wananchi wangu walionipigia kura na wanaoniunga mkono. Bali, nimekuja kuanzia uwanja mpya wa mapambano.”

Akiongea kwa kujiamini, Lissu ambaye aliwahi kuwa Rais wa Chama cha Wanasheria wa Tanganyika (TLS), ameeleza anatarajia kurejea Tanzania mara baada ya kujihakikishia kuwa usalama wake hauko mashakani.

Leave a comment

Leave a Reply

Your email address will not be published. Required fields are marked *

Related Articles

Habari MchanganyikoHabari za Siasa

CCM yamteua Pele kuwa mgombea ubunge Kwahani

Spread the loveKamati Kuu ya Halmashauri Kuu ya Chama Cha Mapinduzi (CCM)...

Habari MchanganyikoHabari za Siasa

Ujenzi kituo cha kupoza umeme Chalinze wafikia asilimia 93.7

Spread the loveKamati ya Kudumu ya Bunge ya Nishati na Madini imeeleza...

Habari MchanganyikoHabari za SiasaTangulizi

Wakili Mwabukusi anusurika kufungiwa, asema hatarudi nyuma

Spread the loveWAKILI Boniface Mwabukusi amesema kuwa hatorudi nyuma kuwatetea Watanzania na...

Habari MchanganyikoHabari za Siasa

RC Chongolo atangaza ‘vita’ kwa wanaovusha wageni kinyemela

Spread the loveKATIKA kulinda usalama wa nchi kupitia mpaka wa Songwe, Mkuu...

error: Content is protected !!