March 6, 2021

Uhuru hauna Mipaka

LHRC yajipanga kuiburuza serikali kortini

Waziri wa Katiba na Sheria, Dk. Asha-Rose Migiro

Waziri wa Katiba na Sheria, Dk. Asha-Rose Migiro (kulia) akikabidhi nakala ya Katiba Inayopendekezwa kwa Mwenyekiti wa Chama cha Maalbino Tanzania, Ernest Kimaya

Spread the love

KITUO cha Sheria na Haki za Binadamu (LHRC), kinatarajia kuiburuza Serikali mahakamani kwa kile kinachodaiwa ni “kuharibu mchakato wa katiba mpya”. Anaandika Pendo Omary…(endelea).

Kauli hiyo imetolewa na Hussein Sengu- Afisa Sheria dawati la uangalizi wa serikali, wakati wa ugawaji wa Katiba inayopendekezwa kwa Asasi za Kiraia, taasisi za dini, vyama vya kihiyari na taasisi za serikali.

Ugawaji huo umefanywa leo na Dk. Asha-Rose Migiro-Waziri wa Katiba na Sheria katika viwanja vya Karimjee jijini Dar es Salaam.

Sengu ambaye aliwakilisha LHRC katika hafla hiyo, amesema, “tangu mwanzo msiamo wa Kituo chetu unapinga mchakato huu. Tayari mchakato mzima wa Katiba Mpya ni batili, Haukuwa shirikishi. Umetekwa na serikali.”

“Baada ya shughuli hii leo, tunaendelea na kampeni ya kupinga Katiba inayopendekezwa. Tukianza rasmi kwa kuishitaki serikali mahakamani muda wowote kuanzia sasa. Tutafungua Kesi ya kikatiba,” amesema Sengu.

Kwa mujibu wa Sengu, baadhi ya vitendo vinavyofanywa na watumishi wa serikali akiwemo Rais Jakaya Kikwete na waziri Asha-Rose Migiro kuipigia chapuo ya ‘ndiyo’ Katiba pendekezwa ni kinyume na matakwa ya kisheria yanayoitaka serikali kutokuwa na upande katika mchakato huo.

Aidha, Makamu Mwenyekiti wa Jumuia ya Mabohora nchini, Zainaddin Adanjee amesema “Sisi tumeipokea Katiba inayopendekezwa, tutaisambaza. Msimamo wetu ni kila mtu kwa hiayari yake afanye maamuzi. Asilazimishwe kukubali kitu ambacho hakitaki”.

Naye Dk. Migiro amesema hatua hiyo ni ya pili ambapo tayari hatua ya kwanza ilikuwa ya kugawa nakala milioni mbili za Katiba hiyo nchi nzima.

“Tayari nakala milioni mbili zimesambazwa mikoa yote. Kila kata tumepeleka nakala 300. Zanzibar tumepeleka nakala 200,000. Nakala 658,700 zitagawiwa kwa wizara na taasisi za serikali, taasisi za dini, asasi za kiraia na vyama huru,” amesema Migiro.

error: Content is protected !!