Sunday , 5 February 2023
Home Gazeti Habari Mchanganyiko Kukamatwa mwanahabari: THRDC yaomba tume huru ya uchunguzi
Habari Mchanganyiko

Kukamatwa mwanahabari: THRDC yaomba tume huru ya uchunguzi

Joseph Gandye
Spread the love

MTANDAO wa Watetezi wa Haki za Binadamu Tanzania (THRDC) umeiomba serikali iunde tume huru kwa ajili ya kuchunguza madai ya baadhi ya polisi katika Kituo cha Polisi Mafinga mkoani Iringa, kunyanyasa watuhumiwa wakiwa mahabusu. Anaripoti Regina Mkonde … (endelea).

Wito huo umetolewa leo tarehe 24 Agosti 2019 na Mratibu wa THRDC, Onesmo Olengurumwa kupitia ukurasa wake wa Twitter.

“Leo ni siku ya 3 tangu alipokamatwa Mhariri wa maudhui wa Watetezi TV, Joseph Gandye, tunaiomba Serikali iunde tume maalumu kuchunguza tuhuma zinazomkabili na si kulitegemea jeshi la polisi ambao ndio walalamikiwa,” ameomba Olengurumwa na kuongeza.

“Tunahitaji kamati huru ya uchunguzi dhidi ya madai ya polisi kunyanyasa mahabusu. Ni kinyume na haki watuhumiwa kuchunguza tuhuma zao wenyewe. Mwacheni huru Gyande.”

Ombi hilo limekuja ikiwa ni siku tatu zimepita tangu Joseph Gandye, Mhariri wa Maudhui wa Watetezi TV inayomilikiwa na THRDC kukamatwa na Jeshi la Polisi mkoani Iringa kwa tuhuma za kuchapisha habari za uongo dhidi yake.

Gandye ambaye ni Mhariri wa Maudhui wa Watetezi TV inayomilikiwa na THRDC  tarehe 22 Agosti 2019 alipokea wito wa kujisalimisha katika Kituo cha Polisi cha Urafiki jijini Dar es Salaam, kwa ajili ya kuhojiwa kuhusu tuhuma zinazomkabili, kutoka kwa Askari Polisi aliyejitambulisha kwa jina la Godfrey Mkude.

Baada ya kuhojiwa, Alfajiri ya tarehe 23 Agosti 2019 alisafirishwa na polisi kuelekea mkoani Iringa, mahala anakotuhumiwa kutenda kosa hilo. Na alipowasili, Kamanda wa Polisi wa mkoa huo, ACP Juma Bwire alisema mtuhumiwa huyo atarudia tena kuhojiwa na Jeshi la Polisi.

Wakili wa THRDC, Chance Luoga anayefuatilia suala hilo, amesema Gandye anatarajiwa kuhojiwa leo, na kwamba kama zoezi hilo litakamilika atafuatilia masuala ya dhamana.

Leave a comment

Leave a Reply

Your email address will not be published. Required fields are marked *

Related Articles

Habari MchanganyikoTangulizi

Haya hapa majina 12 ya familia moja waliofariki kwenye ajali Tanga

Spread the love  MAJINA 12 kati ya 17 ya waliofariki dunia katika...

Habari Mchanganyiko

Rais Samia awalilia 17 waliofariki ajalini wakisafirisha maiti

Spread the love  RAIS Samia Suluhu Hassan, ametuma salamu za rambirambi kwa...

Habari Mchanganyiko

Wanawake wachimbaji wajenga zahanati kuokoa afya za wakazi 2000

Spread the love  ZAIDI wakazi 2,000 wa kijiji cha Nyamishiga Kata ya...

Habari Mchanganyiko

Baada ya Congo DR, Somalia mbioni kujiunga na EAC

Spread the love  TAIFA la Somalia liko mbioni kuwa mwanachama rasmi wa...

error: Content is protected !!