Wednesday , 8 February 2023
Home Kitengo Habari Kimataifa Kiongozi wa kiroho amshughulikia Rais Kenyatta
Kimataifa

Kiongozi wa kiroho amshughulikia Rais Kenyatta

Spread the love

KIONGOZI wa kiroho wa Kanisa Katoliki la All Saints Cathedral, Nairobi nchini Kenya, Sammy Wainaina amemshangaa Rais wa nchi hiyo, Uhuru Kenyatta kwa ‘kulialia’ kwamba Serikali yake imeelemewa na ufisadi. Inaripoti BBC …(endelea).

Amesema, kama Rais Kenyatta analialia kwa kupoteza mamilioni ya fedha kila mwezi, nani anapaswa kumaliza tatizo hilo wakati ana kila kitu cha kukabiliana na hali hiyo?

“Unawaambia nini Wakenya unapokiri hilo? Kwamba umeshindwa? Ni nani sasa atakayeinusuru Kenya kama Rais hawezi kutunusuru?” amehoji

“Rais, una tume ya maadili na kupambana na rushwa, una mkurugenzi wa mashitaka ya umma, una huduma za ujasusi, una kila uwezo wa serikali wa kukabiliana na ufisadi. Serikali inafahamu yule anayeiba pesa za Wakenya, au serikali inahusika katika kuiba?”

Rais Uhuru Kenyatta

Wainaina alitoa kauli hiyo kwenye mahubiri yake Jumapili ya wiki iliyopita, video yake imetembea kwa kasi kubwa kwenye mitandao ya kijamii huku Wakenya wakitoa maoni mbalimbali hasa ya kumpongeza kwa kile walichoita, kusema ukweli.

Pia, Wainaina alikosoa kampeni inayoendelea kuhusu Katiba nchini Kenya ambayo itawezesha nyadhifa za waziri mkuu na naibu wake kubuniwa katika serikali.

“Tunapesa kwa ajili ya maridhiano ya kitaifa (BBI), ambayo itawanufaisha watu wachache tu walioko katika nafasi za juu za uongozi, lakini hatuna pesa za kujenga shule, halafu watoto wetu wanalazimishwa kusomea chini ya miti,” alisema.

Akikebehi Wakenya ‘wanaoshabikia’ ukabila amesema “ngoja niwakumbshe Wakenya kwamba, wakati mtu wa kabila lako anakuwa rais au anachukua viti vitano vya juu vya uongozi, utabakia kuwa masikini.”

Leave a comment

Leave a Reply

Your email address will not be published. Required fields are marked *

Related Articles

Kimataifa

Ramaphosa akiri tatizo la umeme Afrika Kusini kuathiri sekta ya madini

Spread the love  RAIS wa Afrika Kusini, Cyril Ramaphosa amesema tatizo la...

Kimataifa

Idadi ya vifo tetemeko la ardhi yafikia 9000

Spread the love  IDADI ya vifo vilivyotokana na tetemeko la ardhi lililotokea...

Kimataifa

Tetemeko la ardhi Uturuki: Vifo vyaongezeka hadi 4,800

Spread the love  Idadi ya vifo vilivyotokana na tetemeko lililotokea jana Jumatatu...

Kimataifa

Tetemeko la ardhi laua watu 300 Uturuki, Syria

Spread the love  WATU  300 wamefariki dunia katika tetemeko kubwa la ardhi...

error: Content is protected !!