Kikwete amtaka Samia kuwa mkali ‘usivumilie upuuzi’

RAIS mstaafu Dk. Jakaya Kikwete ameushauri uongozi mpya wa CCM unaongozwa na Mwenyekiti Dk Samia Suluhu Hassan kuwa wakali na kutovumilia maneno yanayokigawa chama hicho na badala yake watu wanaotoa kauli hizo waitwe kwenye maadili na kuonywa.

Pia amesema hamuoni Mwana CCM atakayechukua fomu kumpinga Samia katika uchaguzi mkuu mwaka 2025. Anaripoti Mwandishi Wetu, Dodoma … (endelea).

Dk. Kikwete ametoa kauli hiyo jana tarehe 8 Disemba 2022 wakati akihutubia mkutano wa 10 wa chama hicho uliofikia tamati jiji Dodoma.

Amesema ni ukweli uliodhahiri kwamba hapa Tanzania hakuna mwanasiasa maarufu kumshinda Rais Samia.

“Usisumbuliwe na maneno hayo. Ni waombe ndugu zangu acheni uongo. Ukiangalia huko mitandaoni kuna maneno mengi ya uongo, ni upuuzi tu… tuache hii tabia ndiyo inakigawa Chama chetu.

“Mnawafanya viongozi wetu wapate stress (jakamoyo) tu. Mkiwasikia watu wanasema maneno waiteni kwenye maadili na kama hana maelezo aambiwe aache uongo.

“Hii ndio njia pekee itakayo ondoa uchimbi. Chama chetu ni kikubwa sana hakistahili kuvumilia upuuzi kama huo. Mkiuvumilia Chama hiki kitavurugika kwa maslahi ya wapuuzi. Naomba muwe wakali,” amesema Dk. Kikwete.