Saturday , 22 June 2024
Home Gazeti Habari za Siasa Kibatala: Mbowe hajashindwa kesi
Habari za SiasaTangulizi

Kibatala: Mbowe hajashindwa kesi

Freeman Mbowe (kulia) na Jenerali Ulimwengu (katikati) na Meya wa Ubungo, Boniface Jacob
Spread the love

PETER Kibatala Wakili Mwandamizi wa Chama Cha Demokrasia (Chadema), ameweka wazi kuwa Mahakama Kuu Kanda ya Dar es Salaam imekubali ombi la Freeman Mbowe, Mwenyekiti wa Chadema la kumfungulia kesi Mkuu wa Mkoa wa Dar es Salaam, Paul Makonda na wengine watatu, anaandika Faki Sosi.

Walalamikiwa wengine kwenye kesi hiyo namba moja ya mwaka 2017 ni Simon Sirro, Kamshina wa Jeshi la Polisi Kanda Maalumu ya Dar es Salaam na Mkuu wa Upepelezi, Cammillius Wambura na George Masaju, Mwanasheria Mkuu wa Serikali.

Kibatala aliueleza mtandao huu, kuwa mahakama chini ya jopo majaji watatu wakiongozwa na Sekieti Kihiyo, akisaidiana na Jaji Lugano Mwandambo pamoja na Jaji Pellagia Kaday, imekubali ombi la Mbowe kufungua shauri hilo kwenye mahakama hiyo na kutoa zuio la kutokamatwa kwa mwenyekiti huyo hadi usikilizwaji wa kesi ya msingi ya kikatiba utakapokamiliaka.

Kibatala amesema Mahakama imetolea uamuzi juu ya maombi hayo madogo kuwa yanaondolewa mahakamani hapo kutokana na kifungu kilichotumika kuwa sio sahihi. “Hivyo basi kuondolewa huko kwa maombi hayo haifungi milango ya kuleta tena maombi hayo kwa Sheria nyingine ambayo uamuzi huo haijautaja.”

Hata Mawakili upande wa utetezi ambao walikuwepo mahakamani ,uliongozwa na Kibatala pamoja Jenerali Ulimwengu walitolea ufafanuzi kuwa maombi hayo yalipelekwa kwa kifungu 2(3) cha Sheria ya (Jala) inayosema Mahakama gani inamlaka juu ya jambo husika na kwamba maombi hayo kwa jinsi yalivyo ni kipengele hiko kinaweza kutumika. Hata hivyo mawakili hao wanasema watayarudisha maombi hayo kesho mapema.

Mbowe amefungua kesi ya kupinga ukeukwaji wa katiba na Sheria juu ya kitendo cha Makonda kuwataja watu majina hadharani washukiwa wa madawa ya kulevya kinyume matakwa ya taratibu za sheria na katiba. Kesi hiyo itaendelea Machi 8, 2017.

Leave a comment

Leave a Reply

Your email address will not be published. Required fields are marked *

Related Articles

Habari MchanganyikoTangulizi

Padre anayetuhumiwa mauaji ya Asimwe, asimamishwa

Spread the loveKanisa Katoliki Jimbo la Bukoba limemsimamisha kutoa huduma za kichungaji...

Habari MchanganyikoHabari za Siasa

Serikali yaahidi kushirikiana na Prof. Ndakidemi kuhamasisha zao la kahawa

Spread the loveSerikali imeahidi kuungana na Mbunge wa Moshi Vijijini, Profesa Patrick...

BiasharaHabari MchanganyikoHabari za Siasa

IMF yaimwagia Tanzania trilioni 2.4 kukabili mabadiliko ya hali ya hewa

Spread the loveShirika la Kimataifa la Fedha (IMF) jana Alhamisi limesema bodi...

Habari za SiasaKimataifa

Mmoja afariki, 30 wajeruhiwa maandamano Kenya

Spread the loveMtu mmoja ameripotiwa kuuawa na wengine zaidi ya 30 kujeruhiwa...

error: Content is protected !!