Friday , 3 February 2023
Home Kitengo Habari Kimataifa Kesi ya Zuma: Rais Ramaphosa kuhojiwa mahakamani
Kimataifa

Kesi ya Zuma: Rais Ramaphosa kuhojiwa mahakamani

Jacob Zuma
Spread the love

 

RAIS wa Afrika Kusini, Cyril Ramaphosa, amejumuishwa katika uchunguzi wa tuhuma za ufisadi, zinazomkabili kiongozi wa zamani wa Taifa hilo, Jacob Zuma. Inaripoti BBC … (endelea).

Kwa mujibu wa mtandao huo, leo Jumatano, tarehe 11 Agosti 2021, Ramaphosa ameitwa mbele ya jopo la uchunguzi wa tuhuma hizo, zinazomkabili Zuma ambaye kwa sasa yuko rumande, kwa kosa la kukaidi wito wa mahakama wa kushiriki uchunguzi dhidi yake.

Rais Ramaphosa amejumuishwa katika uchunguzi huo, kwa kuwa alikuwa Naibu Kiongozi wa Chama Tawala cha ANC, wakati Zuma akiwa madarakani.

Hivyo, atahojiwa ili kujibu hatua zilizochukuliwa na chama hicho tawala, wakati Zuma anatenda kosa hilo la kufanya ufisadi.

Cyril Ramaphosa, Rais wa Afrika Kusini

Jopo la uchunguzi hilo, linahitaji kujua kutoka kwa Rais Ramaphosa, kama chama hicho kilichukua jitihada zozote kumzuia Zuma asitende kosa hilo, alipokuwa madarakani.

Katika kesi hiyo ya ufisadi inayomkabili Zuma katika Mahakama ya Kikatiba nchini Afrika Kusini, mwanasiasa huyo anatuhumiwa kutumia madaraka yake vibaya.

Kufuatia hatua yake ya kuruhusu familia ya kitajiri iliyotajwa kwa jina la Gupta, kupora rasilimali za Serikali.

Kiongozi huyo wa zamani wa Afrika Kusini, anadaiwa kufanya ufisadi wa Dola za Marekani 81 bilioni. Lakini pia, anadaiwa kutumia mamlaka yake vibaya, kwa kuteua baraza la mawaziri kwa maslahi yake binafsi.
Hata hivyo, Zuma na familia hiyo wamekanusha kuhusika na tuhuma hizo.

Zuma aliingia madarakani 2009 na kuiongoza Afrika Kusini kwa miaka tisa mfululizo, hadi 2018 alipojiuzulu kwa tuhuma za ufisadi.

Leave a comment

Leave a Reply

Your email address will not be published. Required fields are marked *

Related Articles

Kimataifa

Hospitali za China zilifurika wagonjwa, wazee kipindi cha wa likizo ya Mwaka Mpya wa Lunar

Spread the loveHOSPITALI  nchini China zimejaa wagonjwa na wazee katika kipindi cha...

Kimataifa

Papa Francis ayataka mataifa ya nje kuacha kupora mali DRC

Spread the love  KIONGOZI wa kanisa Katoliki Papa Francis, ameyataka mataifa ya...

Kimataifa

Mashabiki wakabiliwa na mashtaka ya mauaji baada ya wafuasi wa Arsenal na Manchester City kupigana Uganda

Spread the love  MASHABIKI wawili wa soka nchini Uganda wanakabiliwa na mashtaka...

Kimataifa

China inatathmini upya sera za wafanyakazi

Spread the love  WAKATI idadi ya watu wa nchi China inapungua, Beijing...

error: Content is protected !!