Sunday , 5 February 2023
Home Gazeti Tangulizi Kesi ya uchochezi; Mahakama yamtaka mdhamini wa Lissu
Tangulizi

Kesi ya uchochezi; Mahakama yamtaka mdhamini wa Lissu

Tundu Lissu, Makamu Mwenyekiti wa Chadema
Spread the love

HAKIMU Mkazi Mkuu wa Mahakama ya Hakimu Mkazi Kisutu, Thomas Simba ameagiza wadhamini wa Tundu Lissu katika kesi inayohusu tuhuma za uchochezi kupitia gazeti la MAWIO, wafike mbele yake na kueleza sababu za kutofika kwake mahakamani. Anaripoti Faki Sosi… (endelea)

Lissu, Mbunge wa Singida Mashariki na Mnadhimu Mkuu wa kambi rasmi ya upinzani bungeni, ni mtuhumiwa wa nne katika kesi ya jinai namba 204 ya mwaka 2016.

 Wadhamini wa Lissu wanaohitajika mahakamani ni Robert Katula na Ibrahim Ahmed.

Mtuhumiwa Lissu amekuwa nje ya nchi kwa muda mrefu kwa ajili ya matibabu ya kiwango cha juu kitaalamu baada ya kutoka hospitali ya jijini Nairobi, Kenya ambako alikimbizwa baada ya kupata matibabu ya dharura Hospitali ya Rufaa ya Mkoa wa Dodoma.

Lissu alipelekwa hospitali baada ya kushambuliwa kwa risasi kadhaa akiwa ndani ya gari wakati akiwasili eneo la Area D mjini Dodoma akitokea bungeni.

Tukio hilo la Septemba 7 mwaka 2017, lililotokea siku chache baada ya mwenyewe kutangaza mbele ya vyombo vya habari kuwepo “vijana wa usalama” wanaomfuatilia kwa gari kila aendeko. Alitaka wakuu wa Idara ya Usalama na yombo vingine vya ulinzi vya serikali waagize vijana wao kuacha kumfuatilia kwa sababu “mimi si jambazi.”

Tangu aliposhambuliwa katika tukio analolitaja binafsi kuwa ni jaribio la kumuua, Lissu amekuwa hatokei mahakamani kwa sababu anaendelea na matibabu nje ya nchi.

Baada ya hospitali ya Nairobi ambako alikamilisha sehemu ya matibabu maalum, Lissu alipelekwa nchini Ubelgiji na hivi karibuni amejitokeza hadharani akisema amekamilisha sehemu ya tiba na sasa ameanza awamu ya kufanya mazoezi ya kutembea bila ya magongo.

Lissu ameumia zaidi miguu ambamo anasema amefanyiwa operesheni 20 zilizofanikisha kumuweka bila ya jeraha na aina yoyote ya chuma mwilini.

Huku kukiwa na taarifa za kutakiwa arudi nchini kama alivosikika Spika Job Ndugai aliyemtishia.

“kumtoa nje ya uwanja,” mwenyewe amesema atarudi siku inayofuata kutoka pale atakapopewa taarifa na daktari wake nchini Ubelgiji kuwa amekamilisha tiba yake.

Kwa sasa anaonekana akizungumza na vyombo vya habari kuhusu mkasa uliomfika na masikitiko yake kuwa hakuna mtu aliyekamatwa wala uchunguzi unaofanyika.

Lissu anaituhumu serikali kuwa inawajua waliokusudia kumuua kwa kuyatazama mazingira ya kutokea kwa tukio hilo.

Kauli ya mwisho ya Inspekta Jenerali wa Polisi Simon Sirro ni kwamba uchunguzi unaendelea.

 

Leave a comment

Leave a Reply

Your email address will not be published. Required fields are marked *

Related Articles

Habari MchanganyikoTangulizi

Haya hapa majina 12 ya familia moja waliofariki kwenye ajali Tanga

Spread the love  MAJINA 12 kati ya 17 ya waliofariki dunia katika...

Habari za SiasaTangulizi

Vigogo wanaokwamisha mradi Liganga na Mchuchuma kitanzani

Spread the love  NAIBU Spika wa Bunge, Mussa Zungu, watu wanaokwamisha utekelezaji...

Habari MchanganyikoTangulizi

Hii hapa kauli ya Sheikh mpya mkoa wa Dar

Spread the loveSAA chache baada ya kuteuliwa kukaimu nafasi ya aliyekuwa Sheikh...

Habari MchanganyikoTangulizi

Breaking news! Mufti amng’oa Sheikh mkoa Dar

Spread the loveBARAZA la Ulamaa la Bakwata katika kikao kilichofanyika tarehe 1...

error: Content is protected !!