Monday , 27 May 2024
Home Gazeti Habari za Siasa Kesi ya Mbowe: Chadema yalia na JPM, AG, DPP
Habari za SiasaTangulizi

Kesi ya Mbowe: Chadema yalia na JPM, AG, DPP

Spread the love

CHAMA cha Demokrasia na Maendeleo (Chadema) kinaimani kuwa, kuzuiwa kwa dhamana ya Mwenyekiti wake wa Taifa, Freeman Mbowe na Mbunge wa Tarime Mjini kinakwenda kinyume na taratibu za kimahakama. Anaandika Regina Mkonde … (endelea).

Ni kutokana na kuondolewa kwa notisi iliyopelekwa na serikali katika Mahakama ya Rufaa kupinga uamuzi wa Mahakama Kuu Kanda ya Dar es Salaam kusikiliza rufaa ya viongozi hao.

Chama hicho kimemuomba Rais John Magufuli kuingilia kati sakata la kunyimwa dhamana Mbowe na Matiko katika kesi inayowakabili kwenye Mahakama ya Hakimu Mkazi Kisutu.

Akizungumza na wanahabari leo tarehe 5 Desemba 2018 jijini Dar es Salaam, Naibu Katibu Mkuu wa Chadema-Bara, John Mnyika amemwomba Rais Magufuli kutoa maelekezo ya kesi hiyo kufutwa pamoja na kuondolewa kwa notisi iliyopelekwa na serikali katika mahakama ya rufaa.

Mnyika amedai kuwa, kitendo cha Mbowe na Matiko kuendelea kusota rumande baada ya kufutiwa dhamana na mahakama hiyo, kinaashiria kwamba kauli aliyoitoa Rais Magufuli wakati akifungua maktaba ya kisasa katika Chuo Kikuu cha Dar es Salaam hivi karibuni, imeanza kutekelezwa.

“Tunatoa wito kwa Rais Magufuli, Waziri wa Katiba, Mwanasheria Mkuu wa Serikali (AG) na Mkurugenzi Mkuu wa Mashtaka (DPP), kama hawa wanasheria wa serikali hawajatumwa na wao na wanaona kama rasilimali na muda wa mahakama unapotezwa atoe agizo kama alivyotoa agizo katika uzinduzi wa maktaba ya UDSM.

Afikishe ujumbe kwa Nchimbi na Kadushi waache kutumia rasilimali za mahakama vibaya waondoe notisi katika mahakama ya rufaa.Atoe maelekezo kesi ifutwe na notisi iondolewe isipofanywa hivyo tutaendelea kuamini kauli yake ya kufurahia viongozi wa upinzani kwenda magerezani kama hatoingilia kati suala hili,” amesema.

Katika hatua nyingine, Mnyika amesema Chadema inaoiomba mahakama ya rufaa kufanya marejeo ya faili la shauri lililoko katika mahakama ya hakimu mkazi kisutu ili kujua mwenendo wa shauri hilo kwa minajili ya kutoa haki.

“Mahakama kabla ya kwenda likizo tarehe 15 Desemba 2018, tunaiomba mahakama ya rufaa kuita pande zote mbili, kufanya mapitio ya faili la kesi ya Kisutu na mahakama kuu. Tunajua mahakama ya rufaa ina vikao katika mikoa mingine, tuko tayari popote tutakapoitwa kwenda kwa umuhimu na dharula ya shauri hili ili kutafuta haki,” amesema.

Leave a comment

Leave a Reply

Your email address will not be published. Required fields are marked *

Related Articles

BiasharaHabari MchanganyikoHabari za Siasa

Wazanzibar watarajia makubwa kutoka NMB Pesa Akaunti

Spread the loveWateja wapya wa Benki ya NMB wa Zanzibar wanatarajia neema...

Habari MchanganyikoHabari za Siasa

Kinana aungana na Tale kugawa mitungi ya gesi 800

Spread the loveMAKAMU Mwenyekiti wa Chama Cha Mapinduzi (CCM) Tanzania Bara, Abdulrahman...

Habari za SiasaTangulizi

Makonda amjibu Mwenyekiti UWT, “wananipa nguvu ya kuwapiga spana”

Spread the loveMKUU wa Mkoa wa Arusha, Paul Makonda amemshukia Mwenyekiti wa...

Habari MchanganyikoHabari za Siasa

Madeni ya bilioni 219 yalipwa, wadai wengine waitwa

Spread the loveSERIKALI imesema kuanzia Mei mwaka 2021 hadi sasa imelipa madai...

error: Content is protected !!