Sunday , 19 May 2024
Home Gazeti Habari za Siasa Jerry Muro asiye na fadhila
Habari za SiasaTangulizi

Jerry Muro asiye na fadhila

Jerry Muro akiwa na mawakili katika moja ya siku za kesi yake
Spread the love

NIMESOMA kilichoitwa na Jerro Muro, “ushauri kwa wanasheria nchini ” juu ya msimamo wao wa kutohudhuria mahakamani leo (Jumanne) na kesho, anaandika Saed Kubenea.

Hatua ya mawakili hao, imefuatia kuvamiwa na kulipuliwa kwa ofisi ya mawakili wenzao jijini Dar es Salaam, maarufu kwa jina la IMMA Advocates.

Ofisi za IMMA zililipuliwa usiku wa kuamkia Jumamosi iliyopita na wanaoitwa na serikali, “watu wasiofahamika.”

Mawakili kupitia chama chao – Tanganyika Law Society – wameamua kutokwenda mahakamani ili kupinga uvamizi na “kuombeleza” pamoja na wenzao.

Kwa mujibu wa tamko lililotolewa na Baraza la Uongozi la TLS, uamuzi wa kutohudhuria mahakamani unalenga kupeleka ujumbe kuwa mawakili wanahitaji kufanya kazi zao bila vitisho.

Baraza linasema, usalama wa mawakili ndio usalama wa wannachi wengine wote. Kwamba mawakili hawezi kufanya kazi za utetezi kwa uhuru.

Lakini Jerry Muro anapinga maamuzi hayo. Anasema, TLS imekosea kuchukua hatua hizo na kwamba chombo hicho kinatumika kisiasa.

Kwa tunaomfahamu vema Jerry Muro, hatukutarajia kuwa angetoa kauli ya kupinga uamuzi huu. Tulitarajia angekuwa mtu wa mwisho kufanya hivyo.

Hii ni kwa sababu, Jerry ni mmoja wa wanufaikaji wakubwa wa uhuru wa mawakili nchini.

Jerry anajua kuwa kama mawakili wasingekuwa huru, leo hii asingekuwa uraiani. Angeshafungwa.

Kesi yake ya kupokea rushwa kutoka kwa Mkurugenzi wa Halmashauri ya Bagamoyo, miaka mitatu iliyopita isingemuacha salama, kama mawakili wasingekuwa huru.

Jerry anajua, kama sisi wengine tujuavyo, kwamba aliomba rushwa na alikula rushwa. Jerry anajua jinsi kulivyokuwa na mashinikizo kutoka pande zote za kutaka kumtia hatiani.

Lakini mawakili hawakujali kama Jerry Muro amekula rushwa au hakula, badala yake, waliamua kusimama kidete kumtetea.

Ni kwa sababu, maadili yao yanaelekeza kutoa fursa kwa kila mtu kuwa na haki ya kutetewa mahakamani.

Aidha, kwa minendo ya Jerry ya sasa na ambayo ilianza siku chache kabla ya kukamatwa na rushwa, ndugu huyu hana sifa, hadhi wala uwezo wowote wa kutoa ushauri kwa mawakili ama kwa taaluma hiyo adhimu.

Kwa siku za hivi karibuni, taaluma ya mawakili ndio pekee iliyosalia kwenye msimamo wake wa kutetea haki za wananchi.

Kwa msingi, ni vema mawakili mkapuuza vijineno vya watu aina ya Jerry Muro wanaofanya kazi kwa maslahi ya matumbo yao.

Mawakili muendeele kulinda heshima yenu. Uvamizi wa mmoja wenu, ni uvamizi kwenu wote.

Leave a comment

Leave a Reply

Your email address will not be published. Required fields are marked *

Related Articles

Habari MchanganyikoHabari za Siasa

CCM yamteua Pele kuwa mgombea ubunge Kwahani

Spread the loveKamati Kuu ya Halmashauri Kuu ya Chama Cha Mapinduzi (CCM)...

Habari MchanganyikoHabari za Siasa

Ujenzi kituo cha kupoza umeme Chalinze wafikia asilimia 93.7

Spread the loveKamati ya Kudumu ya Bunge ya Nishati na Madini imeeleza...

Habari MchanganyikoHabari za SiasaTangulizi

Wakili Mwabukusi anusurika kufungiwa, asema hatarudi nyuma

Spread the loveWAKILI Boniface Mwabukusi amesema kuwa hatorudi nyuma kuwatetea Watanzania na...

Habari MchanganyikoHabari za Siasa

RC Chongolo atangaza ‘vita’ kwa wanaovusha wageni kinyemela

Spread the loveKATIKA kulinda usalama wa nchi kupitia mpaka wa Songwe, Mkuu...

error: Content is protected !!