Friday , 19 April 2024
Home Gazeti Habari za Siasa Hivi ndivyo Dk. Bashiru alivyoijenga Chadema
Habari za Siasa

Hivi ndivyo Dk. Bashiru alivyoijenga Chadema

Spread the love

UIMARA wa Chama cha Demokrasia (Chadema), ulioonekana kabla na baada ya Uchaguzi Mkuu wa 2015, umechangiwa na Dk. Bashiru Ally, Katibu Mkuu wa Chama Cha Mapinduzi (CCM). Anaripoti Regina Mkonde, Dar es Salaam (endelea).

Dk. Bashiru Ally na Dk. Kitila Mkumbo, Katibu Mkuu Wizara ya Maji na Umwagiliaji, ni miongoni mwa walioshiriki kuandika Sera ya ‘Chadema ni Msingi’ ambayo ilianza kutekelezwa taratibu ambapo sasa imeshika kasi.

Anthony Komu, aliyekuwa Mkurugenzi wa Fedha na Utawala wa Chadema, ametoa historia ya kuanza kwa ‘Chadema ni Msingi’ leo tarehe 19 Februari 2020, wakati akizungumza na viongozi wa Chama cha NCCR-Mageuzi, katika Mkutano wa Halmashauri Kuu ya chama hicho.

Kwenye historia hiyo, Dk. Kitila na Dk. Bashiru wanaonekana vinara baada ya kuajiriwa na Chadema kuandika sera hiyo. Kabla ya kuajiriwa kwao kuisimamia, ilianza kuandaliwa na wanachama wa Chadema akiwemo Halima Mdee, Mbunge wa Kawe; Yusuph Hamad na  Zitto Kabwe ambaye sasa ni Kiongozi Mkuu wa Chama cha ACT-Wazalendo.

Komu amesema, sera ya ‘Chadema ni Msingi’ ni zao la ziara ya chama hicho nchini Ghana, ambapo walikwenda kujifunza namna siasa za nchi hiyo zinavyoendeshwa.

“Leo sisi ‘Chadema ni Msingi,’ tunaizungumza ni wazo tulichukua Ghana tukalileta, alikuwepo Zitto, Halima Mdee na Yusuph Hamad. Hawa ndio watu tuliokwenda Ghana, tulipelekwa na chama tukajifunza jinsi inavyofanya kazi na kushinda,” amesema Komu na kuongeza:

“Tukaja kuiandika ‘Chadema ni Msingi’, tukaiandika ile dhana na matamanio yetu, tukawaajiri Kitila Mkumbo na Bashiru Ally ambaye ni Katibu Mkuu CCM, sasa hivi wakaiandika kitalamu. Kamuulizeni Bashiru, waliandika ile ‘Chadema ni Msingi’ ambayo sasa hivi inaendelea kuboreshwa.”

Leave a comment

Leave a Reply

Your email address will not be published. Required fields are marked *

Related Articles

Habari za Siasa

Tume huru ya uchaguzi yatangaza ajira watendaji daftari wapiga kura

Spread the love  TUME Huru ya Taifa ya Uchaguzi (INEC), imetangaza nafasi...

Habari za SiasaTangulizi

Chadema yatangaza ruti awamu ya pili maandamano

Spread the love  CHAMA cha Demokrasia na Maendeleo (Chadema), kimesema awamu ya...

Habari za Siasa

CCM yamkana mwenyekiti UVCCM aliyetaka wapinzani wapotezwe

Spread the love  CHAMA Cha Mapinduzi (CCM), kimejitenga na kauli ya mwenyekiti...

Habari za SiasaTangulizi

Rais Samia kutunukiwa udaktari wa heshima Uturuki

Spread the loveBaraza la Chuo Kikuu cha Ankara, ambacho ni cha pili...

error: Content is protected !!