Friday , 3 February 2023
Home Gazeti Habari Mchanganyiko Gazeti la Uhuru lasimamisha uzalishaji, vigogo 3
Habari MchanganyikoTangulizi

Gazeti la Uhuru lasimamisha uzalishaji, vigogo 3

Spread the love

 

CHAMA tawala nchini Tanzania- Chama Cha Mapinduzi (CCM), kimetangaza kulifungia kwa siku saba Gazeti lake la Uhuru kuanzia leo Jumatano, tarehe 11 Agosti 2021. Anaripoti Regina Mkonde, Dar es Salaam … (endelea).

Ni baada ya gazeti hilo kukiri kuandika habari ya kupotosha juu ya mahojiano yaliyofanywa baina ya Rais Samian a Shirika la Utangaaji la Uingereza (BBC), tarehe 9 Agosti 2021, Ikulu ya Dar es Salaam.

Gazeti la Uhuru linalomilikiwa na Chama Cha Mapinduzi, liliandika habari kubwa leo Jumatano kwamba, “Sina wazo kuwania urais 2025” habari ambayo imeibua mjadala hasa ikizimngatiwa, katika mahojiano ya BBC hayakuoneshwa aliposema.

Katibu Mkuu wa CCM, Daniel Chongolo akizungumza na waandishi wa habari ofisi ndogo za chama hicho, Lumumba jijini Dar es Salaam amesema “kwa mamlaka yangu kama katibu mkuu, nimesimamisha uchapishaji wa gazeti la Uhuru kwa siku saba.”

Kabla ya kutangaza uamuzi huo, Chongolo amewaeleza waandishi wa habari kwamba, asubuhi ya leo, aliagiza Bodi ya Wakurugenzi ikutane na baada ya kukutana, imewasimamisha kazi Mkurugenzi Mtendaji, Ernest Sungura, Mhariri Mtendaji, Athuman Mbutuka na Rashid Zahoro, ambaye alikuwa msimamizi wa gazeti hilo.

“Hawa walionekana kuhusika mojamoja kwenye usimamizi. Nimeipongeza bodi kwa uamuzi waliouchukua kwani uko ndani ya mamlaka yao,” amesema.

“Tunamwomba sana radhi Rais kwa kumlisha maneno, ukifuatilia mahojiano yoooote BBC hakuna sehemu amezungumza na muungwana ni vitendo. Tunamwomba radhi,” amesema Chongolo.

Tayari bodi imewasimamisha kazi Mkurugenzi mtendaji, Ernest Sungura, Mhariri mtendaji na Rashid Zahoro ambaye yeye alikuwa msimamizi wa gazeti pamoja na kuunda tume ya kuchunguza nini hasa kilitokea- Daniel Chongolo, Katibu Mkuu CCM

Katibu Mkuu wa Chama Cha Mapinduzi (CCM), Daniel Chongolo ametangaza kusimamisha uchapwaji wa gazeti la Uhuru kwa siku saba kuanzia leo Jumatano kwa kuandika habari ya kupotosha juu ya Rais wa Tanzania, Samia Suluhu Hassan “tunamwomba radhi sana Rais kwa kumlisha maneno.”

1 Comment

  • Mamlaka ya kusimamisha gazeti si ni ya Waziri wa Habari? Sasa yeye ametumia kipengele gani cha sheria?

Leave a Reply

Your email address will not be published. Required fields are marked *

Related Articles

Habari Mchanganyiko

Kasilda Mgeni anasisitiza umoja, ushirikiano Same 

Spread the love  MKUU mpya wa Wilaya ya Same, mkoani Kilimanjaro, Kasilda...

Habari MchanganyikoTangulizi

Hii hapa kauli ya Sheikh mpya mkoa wa Dar

Spread the loveSAA chache baada ya kuteuliwa kukaimu nafasi ya aliyekuwa Sheikh...

Habari MchanganyikoTangulizi

Breaking news! Mufti amng’oa Sheikh mkoa Dar

Spread the loveBARAZA la Ulamaa la Bakwata katika kikao kilichofanyika tarehe 1...

Habari Mchanganyiko

Bilioni 120 za DMDP zaibadilisha Ilala, wananchi watoa ya moyoni

Spread the loveJUMLA ya Sh bilioni 120.7 zimetumiwa na Halmshauri ya Jiji...

error: Content is protected !!