Friday , 29 September 2023
Home Gazeti Habari za Siasa Esther Bulaya: CCM waifilisi JKT
Habari za Siasa

Esther Bulaya: CCM waifilisi JKT

Ester Bulaya
Spread the love

MBUNGE wa Bunda Mjini (CHADEMA), Esther Bulaya, “ameliamsha dude.” Amesema, serikali imekopa mabilioni ya shilingi mashirika ya umma, ikiwamo Jeshi la Kujenga la taifa (JKT). Anaripoti Mwandishi Wetu kutoka Dodoma … (endelea).

Akizungumza bungeni mjini Dodoma, leo Jumamosi, tarehe 2 Februari, Bulaya amesema, mashirika na mifuko ya hifadhi ya jamii, inadai serikali zaidi ya Sh. 10 trilioni, huku baadhi ya viongozi wa Chama Cha Mapinduzi (CCM), wakidaiwa zaidi ya Sh. 3.2 trilioni kutokana na mikopo iliyochukua JKT.

“Lipeni madeni haya, ili mashirika yetu ya umma yaweze kupata mtaji na kuweza kujiendesha. Acheni kugagaa. Achene kuleta porojo,” alieleza Bulaya.

Huku akionyeshea mkono upande walioketi wabunge wa CCM, Bulaya alisema, kuna ubadhilifu mkubwa ndani ya serikali na ndani ya mashirika hayo ya umma, kutokana na kuwapo mipango mibaya ya serikali.

Bulaya alitoa kauli hiyo, wakati wa mjadala wa taarifa ya Kamati ya Bunge ya Kudumu ya Uwekezaji na Mitaji ya Umma. Taarifa ya Kamati ya Mitaji iliwasilishwa bungeni na Dk. Raphael Chegeni, mwenyekiti wa kamati hiyo na mbunge wa Busega mkoani Simiyu.

Kwa mujibu wa taarifa kutoka ndani ya kamati ya Uwekezaji na Mitaji ya Umma, mashirika kadhaa ya serikali yanaidai serikali; na au kudaiwa na mashirika mengine.

Miongoni mwa mashirika hayo, ni pamoja na Mamlaka ya Maji Safi na Majitaka jijini Dar es Salaam (DAWASA); Hospitali ya Taifa ya Muhimbili (MNH), Jeshi la Wananchi wa Tanzania (JWTZ) na Jeshi la Magereza.

Wadai wakubwa wa mashirika hayo, DAWASA inayodaiwa Sh. 6 bilioni, jeshi la Magereza linalodaiwa Sh. 7 bilioni, JWTZ linalodaiwa Sh. 8 bilioni na hospitali ya Muhimbili inayodaiwa zaidi ya Sh. 5 bilioni.

Leave a comment

Leave a Reply

Your email address will not be published. Required fields are marked *

Related Articles

Habari za Siasa

Serikali yawaangukia viongozi wa dini

Spread the loveSERIKALI imewaomba viongozi wa dini, waendelee kuelimisha wananchi kudumisha amani...

Habari za Siasa

Azzim Dewji aitaka Serikali iwanyooshe mafisadi

Spread the loveMFANYABIASHARA maarufu nchini, Azzim Dewji, ameitaka Serikali iwachukulie hatua wezi...

Habari MchanganyikoHabari za Siasa

Kapinga: Usambazaji umeme vijijini mwisho Desemba 2023

Spread the love  NAIBU Waziri wa Nishati, Judith Kapinga, amesema ifikapo mwezi...

Habari za Siasa

Mgongano wa kimasilahi wamhamisha Chande TTCL

Spread the love  ALIYEKUWA Mkurugenzi Mtendaji wa Shirika la Umeme Tanzania (TANESCO),...

error: Content is protected !!