Monday , 30 January 2023
Home Gazeti Habari Mchanganyiko DPP awafutia mashtaka ya ugaidi masheikh 15
Habari Mchanganyiko

DPP awafutia mashtaka ya ugaidi masheikh 15

Sylivester Mwakitalu, Mkurugenzi wa Mashtaka nchini (DPP)
Spread the love

 

MAHAKAMA ya Hakimu Mkazi Kisutu, jijini Dar es Salaam, imewaacha huru Masheikh 15, baada ya Mkurugenzi wa Mashtaka nchini (DPP), Sylvester Mwakitalu kutokuwa na nia ya kuendelea na mashtaka ya ugaidi yaliyokuwa yanawakabili. Anaripoti Mwandishi Wetu, Dar es Salaam … (endelea).

Kwa mujibu wa taarifa iliyotolewa na Msemaji wa Shuraa ya Maimamu, Ibrahim Mkondo, Masheikh hao waliachwa huru, jana tarehe 1 Machi 2022, baada ya kusota mahabusu kwa miaka saba.

“Mkurugenzi wa Mashtaka amewafutia mashtaka ya ugaidi watu 15, jijini Dar es Salaam leo (jana). Katika mashauri hayo ambayo hayakupata kuzungumzwa ndani ya miaka saba, mkurugenzi alitamka mbele ya Jaji kuwa jamhuri haina nia ya kuendelea tena na mashauri hayo,” imesema taarifa ya Mkondo.

Masheikh walioachwa huru ni pamoja na Sheikh Juma Yasin, Ustadhi Abdalla Juma Omar, Nassoro Said Amoor, Ali Nassoro Swala, Juma Zuberi Kitambi, Rajabu Ali Magomba, Hussein Mustafa Juma na Haruna Issa Nkuye.

Wengine ni, Buheti Yusuf Buheti, Seif Shaha Jongo, Yusuf Issa Rajab, Hassan Bakari Mnele, Ramia Shaaban Swaleh, Abdul Majid Juma Ludima na Rashid Hassan Mitambo.

Hatua hiyo ni muendelezo wa DPP Mwakitalu kufuta kesi za ugaidi zilizokuwa zinawakabili masheikh waliosota rumande kwa zaidi ya miaka mitano, ambapo hivi karibuni aliwafutia mashtaka masheikh 40.

Masheikh hao 40 walikuwa wanakabiliwa na mashtaka ya ugaidi katika Mahakama ya Hakimu Mkazi Kibaha.

Leave a comment

Leave a Reply

Your email address will not be published. Required fields are marked *

Related Articles

Habari MchanganyikoHabari za Siasa

Chongolo asikitishwa na mradi wa Mil 900 kutoanza kutoa manufaa

Spread the loveKATIBU mkuu wa Chama Cha Mapinduzi (CCM) Taifa Daniel Chongolo...

Habari Mchanganyiko

Huawei Tanzania yatajwa miongoni mwa waajiri bora kimataifa

Spread the loveKAMPUNI ya Huawei Tanzania imetajwa kuwa mwajiri bora nchini na...

Habari Mchanganyiko

Waziri wa uchumi wa Finland atua nchini, kuteta na mawaziri 7

Spread the loveWAZIRI wa Masuala ya Uchumi wa Finland, Mika Tapani Lintilä...

Habari Mchanganyiko

Asimilia 79 wafeli somo la hesabu matokeo kidato cha nne

Spread the loveWATAHINIWA wa shule 415,844 sawa na asilimia 79.92 ya watahiniwa...

error: Content is protected !!