Saturday , 25 March 2023
Home Gazeti Habari za Siasa Dk. Mwinyi akwepa kumzungumzia Maalim Seif
Habari za Siasa

Dk. Mwinyi akwepa kumzungumzia Maalim Seif

Spread the love

 

RAIS wa Zanzibar, Dk. Hussein Mwinyi amekwepa kuzungumzia hali ya makamu wake wa kwanza, Maalim Seif Sharif Hamad. Anaripoti Mwandishi Wetu, Zanzibar … (endelea).

Akizungumza na wanahabari jana tarehe 9 Februari 2021 visiwani humo, Dk. Mwinyi alisema, hawezi kuzungumzia maendeleo ya ugonjwa wa Maalim Seif hilo kwa kuwa ni kinyume na maadili ya kidaktari.

Rais Mwinyi, alikuwa akizungumza na wanahabari, kuhusu siku 100 za utawala wake, tangu alipoingia madarakani tarehe 2 Novemba 2020, akipokea kijiti kutoka kwa Dk. Ali Mohamed Shein, aliyemaliza muda wake wa uongozi.

“Kuhusu hali ya afya ya makamu wa kwanza wa rais, niseme mimi ni daktari, maadili hayataki kuzungumzia ugonjwa wa watu hadharani,” alisema Dk. Mwinyi.

Alitoa kauli hiyo alipoulizwa na wanahabari kuhusu hali ya Maalim Seif, baada ya chama chake kutoa taarifa za ugonjwa wake kwa umma.

“Kama kuna watu wanasema hivi wanakosea, hali ya ugonjwa wa mtu ni siri yake na daktari. Sio sababu mimi daktari, lakini madili hayako hivyo labda wazungumze wenyewe,” alisema Dk. Mwinyi.

Taarifa za awali zinaeleza, kwamba Maalim Seif anaendelea na matibabu katika Hospitali ya Mnazi Mmoja, Unguja visiwani humo.

Maalim Seif alilazwa hospitalini hapo tangu tarehe 26 Januari 2021, baada ya kuthibitika kuwa na maambukizi ya Virusi vya Corona (Covid-19).

Maalim Seif Sharrif Hamad, Makamu wa Kwanza wa Serikali ya Mapinduzi Zanzibar

Akizungumza na MwanaHALISI Online kuhusu hali ya Maalim Seif, leo Jumatano tarehe 10 Februari 2021, Ado Shaibu ambaye ni Katibu Mkuu wa Chama cha ACT-Wazalendo, amesema anaendelea vizuri.

Amesema, kwa sasa wanamuombea kwa Mungu Mwenyekiti huyo wa Chama cha ACT-Wazalendo, apone haraka ili arejee katika majukumu yake.

“Hali ya Maalim Seif nashukuru Mungu anaendelea vizuri, afya yake ina-improve (inaimarika). Tunamuombea kwa Mungu apone, arejee kwenye majukumu yake. Kwa uelewa wangu hadi jana anaendelea na matibabu,” amesema Ado.

Leave a comment

Leave a Reply

Your email address will not be published. Required fields are marked *

Related Articles

Habari za Siasa

Rais Samia aagiza iundwe kamati ya pamoja ya Mawaziri mradi wa BBT

Spread the love  RAIS Dk. Samia Suluhu Hassan, amewaagiza mawaziri kuunda kamati...

Habari za Siasa

Rais Samia apangua makatibu tawala mikoa, ateua Kamishna DCEA

Spread the loveALIYEKUWA Kamishna wa Mamlaka ya Kudhibiti Dawa za Kulevya, Gerald...

Habari MchanganyikoHabari za Siasa

M/kiti bodi ya wadhamini Chadema afariki dunia

Spread the loveMWENYEKITI wa Bodi ya Wadhamini ya Chama cha Demokrasia na...

Habari za Siasa

Zitto: Nikifa Ado atavaa viatu vyangu

Spread the love  KIONGOZI Mkuu wa Chama cha ACT Wazalendo, Zitto Kabwe...

error: Content is protected !!