Saturday , 13 April 2024
Home Gazeti Habari za Siasa Dk. Mpango ataja sifa za kiongozi bora
Habari za Siasa

Dk. Mpango ataja sifa za kiongozi bora

Dk. Philip Mpango, Makamu wa Rais wa Tanzania
Spread the love

 

MAKAMU wa Rais wa Tanzania, Dk. Philip Mpango amesema, kiongozi yoyote ili aweze kutekeleza majukumu yake ipasavyo lazima awe hodari wa kazi na awe mfano kwa tabia. Anaripoti Nasra Bakari, DMC … (endelea).

Dk. Mpango, ametoa sifa hizo leo Jumatano, tarehe 19 Mei 2021, mara baada ya Rais wa Tanzania, Samia Suluhu Hassan, kumaliza kuwaapisha wakuu wa mikoa na taasisi mbalimbali waliokuwa amewateua hivi karibuni.

“Kiongozi ni lazima awe na sifa mbili, awe hodari wa kazi na awe mfano kwa tabia. Hatuwatarajii viongozi mliopewa dhamana na mliopo, ni muhimu sana tukienda huko kwenye vituo vya kazi, tusiwe na tabia nzuri. Sitarajii kuwa na walevi au wazinzi,” amesema Dk. Mpango

Pia, amesema, mbali na jukumu la wakuu wa mikoa kuwa wenyeviti wa kamati ya ulinzi na usalama, “lakini ni kusimamia uchumi wa mikoa yenu kwa umakini zaidi. Ni muhimu kujielekeza kuongeza uchumi na tija kwa kuangalia masoko ya wananchi.”

“Msitumie madaraka yenu vibaya, msionee watu, mkatende haki. Kila mmoja kwenye eneo lake, kuheshimu sheria na kuzifuata,” amesema

Naye Spika wa Bunge la Tanzania, amewaonya wakuu wa mikoa na wilaya, amboa wamekuwa na tabia ya kujiita wao ni marais wa maeneo hayo kutokufanya hivyo.

“Wapo wakuu wa mikoa na wilaya, wakiwa huko wanasema mimi ni Rais wa mkoa huu, mimi Rais wa wilaya hii, Rais wa nchi hii ni Mama Samia Suluhu Hassan, ukijivisha mimi ni rais, unajivisha koti ambalo si lako,” amesema Spika Ndugai

Leave a comment

Leave a Reply

Your email address will not be published. Required fields are marked *

Related Articles

Habari za SiasaTangulizi

Dk. Nchimbi aanika ugonjwa wa CCM

Spread the loveKATIBU Mkuu wa Chama Cha Mapinduzi (CCM), Dk. Emanuel Nchimbi,...

Habari za Siasa

Chadema yapuliza kipyenga uchaguzi viongozi kanda

Spread the loveCHAMA cha Demokrasia na Maendeleo (Chadema), kimeanza maandalizi ya uchaguzi...

Habari za Siasa

CCM :Hatutaki ushindi wa makandokando uchaguzi Serikali za mitaa

Spread the loveCHAMA Cha Mapinduzi (CCM), kimesema hakihitaji ushindi wa makandokando katika...

Habari za Siasa

Makala: Puuzeni wanasiasa wanaojigamba wanaweza kubadili maamuzi ya mahakama

Spread the loveKATIBU wa Itikadi na Uenezi wa Chama Cha Mapinduzi (CCM),...

error: Content is protected !!