Sunday , 5 February 2023
Home Kitengo Maisha Afya Corona yaua 29 Tanzania, Dk. Gwajima “tuchukue tahadhari”
AfyaTangulizi

Corona yaua 29 Tanzania, Dk. Gwajima “tuchukue tahadhari”

Waziri wa Afya nchini Tanzania, Dk. Dorothy Gwajima
Spread the love

 

SERIKALI ya Tanzania imesema, mpaka sasa wagonjwa 29 walioambukizwa virusi vya corona (COVID-19), wamefariki dunia. Anaripoti Hamis Mguta, Dar es Salaam … (endelea).

Waziri wa Afya nchini humo, Dk. Dorothy Gwajima akizungumza na waandishi wa habari jijini Dar es Salaam amesema, “jana peke yake kwenye vituo vyetu wako wagonjwa 176 wa corona. Na hawa ni waliokwenda vituoni, wapo ambao wapo majumbani.”

Amesema, idadi hiyo ya vifo ni hadi tarehe 21 Julai 2021 ambapo hadi sasa kuna wagonjwa zaidi ya 600 wa corona kwenye mikao mbalimbali nchini.

Waziri Gwajima amewaomba wananchi na viongozi mbalimbali kuchukua tahadhari ya virusi hivyo na kuacha mzaha kwamba wimbi la kwanza na la pili lilipita na hili la tatu litapita.

“Nawakumbusha wanaoendelea kufanya mzaha na corona. Wako wanaosema mbona wimbi la kwanza na la pili lilipita na hili la tatu litapita, nawasihi sana tusichukulie kwa wepesi tuchukue tahadhari,” amesema Waziri Gwajima

Waziri huyo amesema kwa hali ilivyo sasa anashanaga jinsi mamlaka zingine zinavyouchukulia ugonjwa huo ikiwemo wanaohusika na usafirishaji magari kuendeleza kujaza, mikusanyiko kama ya burudani na michezo.

Waziri wa afya nchini Tanzania, Dk. Dorothy Gwajima kesho Jumamosi atatoa taarifa kuhusu chanjo ya maammbukizi ya virusi vya corona inapatikana wapi na taratibu zingine.

1 Comment

  • Nani anafanya mzaha? Si wewe uliwaita waandishi na ukawaambia watumie malimau na tangawizi? Si wewe daktari uliyesomea Marekani ulikataa kuishauri serikali na ukahubiri kufukiza? Leo umegeuka kama kinyonga? Unawalaumu wananchi kuwa wasifanye mzaha. Aibu !!

Leave a Reply

Your email address will not be published. Required fields are marked *

Related Articles

Habari MchanganyikoTangulizi

Haya hapa majina 12 ya familia moja waliofariki kwenye ajali Tanga

Spread the love  MAJINA 12 kati ya 17 ya waliofariki dunia katika...

Afya

Waziri wa Tamisemi apewa siku 14 afike Morogoro kutatua changamoto za Afya

Spread the love  KATIBU Mkuu wa Chama Cha Mapinduzi (CCM) Taifa Daniel...

Habari za SiasaTangulizi

Vigogo wanaokwamisha mradi Liganga na Mchuchuma kitanzani

Spread the love  NAIBU Spika wa Bunge, Mussa Zungu, watu wanaokwamisha utekelezaji...

Habari MchanganyikoTangulizi

Hii hapa kauli ya Sheikh mpya mkoa wa Dar

Spread the loveSAA chache baada ya kuteuliwa kukaimu nafasi ya aliyekuwa Sheikh...

error: Content is protected !!