China inatathmini upya sera za wafanyakazi

WAKATI idadi ya watu wa nchi China inapungua, Beijing inatathmini upya sera za wafanyakazi kwa kuwa nguvu kazi kubwa imepungua. Imeripotiwa na gazeti la HK Post.

China inafanya hivyo kama hadhari ya athari za kiuchumi nchini. Hali hiyo imechagiza wasiwasi kwa serikali ya China wa kupoteza ushawishi wa kimataifa.

China imekuwa nchi kubwa ya kiuchumi duniani kutokana na uwezo wake mkubwa wa kutengeneza rekodi ya wafanyakazi kwa miaka mingi, ripoti hiyo ilisema, na kuongeza kuwa haitakuwa hivyo tena katika siku zijazo.

Uzito ambao nchi iliyo na rekodi ya idadi ya watu katika jumuiya ya kimataifa pia utapungua.

Idadi ya Wachina ilipungua kwa 850,000 kutoka mwaka uliopita hadi bilioni 1.4118, takwimu rasmi zilionyesha kiwango cha kuzaliwa kwake kimekuwa kikipungua kwa miaka, na hivyo kusababisha sera mbalimbali kujaribu kupunguza mwelekeo huu, ikiwa ni pamoja na kufuta sera ya nchi ya mtoto mmoja miaka saba iliyopita.

Ikumbukwe kwamba soko la ajira la China linadaiwa kufanyiwa kazi kupita kiasi na kulipwa ujira mdogo, jambo ambalo lilisaidia nchi hiyo kuwa kubwa kiuchumi miaka yote hii.

Ushindani katika soko la ajira ni mkubwa hivyo, watu wako tayari kufanya kazi kwa muda mrefu ili tu kuendelea na kazi.

Zaidi ya hayo, mtandao wa usalama wa kijamii wa China haujaendelezwa kikamilifu ikilinganishwa na Marekani.

Wachina waliostaafu bado wanategemea misaada ya serikali, haswa pensheni ya serikali, ripoti hiyo ilisema.

Kwa hivyo, serikali ya Xi Jinping inakabiliwa na chaguo la Hobson – ama kupunguza faida za kifedha kwa wazee na wasiojiweza au kuwabebesha Wachina wachanga kodi zaidi, au zote mbili.