Thursday , 30 March 2023
Home Kitengo Maisha Afya Chanjo Covid-19 yaingia rasmi Tanzania, wananchi waitwa
AfyaHabari Mchanganyiko

Chanjo Covid-19 yaingia rasmi Tanzania, wananchi waitwa

Spread the love

 

SERIKALI ya Tanzania, imesema chanjo ya kujikinga dhidi ya maambukizi ya homa kali ya mapafu, inayosababishwa na Virusi vya Corona (Covid-19), imeshaingia nchini. Anaripoti Regina Mkonde, Dar es Salaam … (endelea).

Kauli hiyo imetolewa leo Jumatano, tarehe 21 Julai 2021 na Waziri Mkuu, Kassim Majaliwa, akizungumza katika swala ya Eid El-Adha, iliyofanyika kwenye Msikiti wa Mtoro, Kariakoo jijini Dar es Salaam.

“Chanjo ipo anayetaka akanchanje hospitalini,  zimeelezwa mahali zilipo nenda ili utimize haja yako lakini pia ni kinga, wenzetu wanachanja kama kinga,” amesema Waziri Majaliwa.

Waziri mkuu huyo wa Tanzania, amesema chanjo hiyo imeingizwa baada ya watalaamu wa afya kuzifanyia uchambuzi na kubaini kwamba hazina madhara.

“Madaktari wawaliagizwa wafanye utafiti wa chanjo nzuri ambazo watu wametumia hawajapata madhara, tukawaambia fanyeni uchunguzi katika chanjo zote duniani. Kwetu tumepata chache, aina mbili tatu tukasema tuzilete nchini, anayetaka achanje,” amesema Waziri Majaliwa.

Amesema Serikali imeamua kuingiza chanjo hizo, ili kuwaondolea usumbufu wananchi hasa wanaofanya shughuli zao nje ya nchi.

“Serikali ilikaa chini na kutafakari na kugundua kuwa Watanzania wengi ambao wanashughuli mbalimbali, ikiwemo wanaotaka kwenda hija yenye masharti ya kwenda ukiwa umechanjwa na kuna Watanzania wanafanyabiashara nje ya nchi wanataka watu wawe wamechanjwa,” amesema Waziri Majaliwa.

Waziri Majaliwa ameongeza “Rais Samia Suluhu Hassan,   akasema hebu tukae pamoja tutafakari hili jambo hao Watanzania wanaotaka kwenda kwenye maeno haya watatimizaje masharti hayo, maamuzi yakafikiwa walete chanjo kadhaa,” amesema Waziri Majaliwa.

Waziri Majsliwa amewataka Watanzania wazidi kuchukua tahadhari dhidi ya maambukizi ya Covid-19, akisema kuwa nchi ina wagonjwa kadhaa wa ugonjwa huo.

Amewataka Watanzania kuepuka mikusanyiko isiyo ya lazima, kuvaa barako pamoja na kunawa mara kwa mara kwa maji tiririka na sabuni.

Leave a comment

Leave a Reply

Your email address will not be published. Required fields are marked *

Related Articles

Habari Mchanganyiko

NMB yakabidhi vifaa vya ujenzi, samani kwa shule ya msingi Sinyaulime, Chuo cha FDC Morogoro

Spread the loveBENKI ya NMB imekabidhi vifaa vya ujenzi kwa shule ya...

Habari Mchanganyiko

NMB Bonge la Mpango – ‘Moto Uleule’ yazinduliwa, Milioni 180…

Spread the loveMSIMU wa tatu wa Kampeni ya kuhamasisha utamaduni wa Kuweka...

Habari Mchanganyiko

Rais Samia awataka wahariri kufanya kazi bila uoga, upendeleo

Spread the love  RAIS Dk. Samia Suluhu Hassan amewataka wahariri wa vyombo...

Habari Mchanganyiko

STAMICO yasaini mkataba wa bilioni 55.2 kuchoronga miamba GGML

Spread the loveSHIRIKA la Madini la Taifa (STAMICO) limezidi kufanya vizuri katika...

error: Content is protected !!