Sunday , 5 February 2023
Home Gazeti Habari za Siasa Chadema:Tutakuwa wajinga kukataa ruzuku kwa mazingira ya sasa
Habari za SiasaTangulizi

Chadema:Tutakuwa wajinga kukataa ruzuku kwa mazingira ya sasa

Mkurugenzi wa Fedha na Utawala wa Chadema, Rodrick Lutembeka
Spread the love

 

CHAMA cha Demokrasia na Maendeleo (Chadema), kimesema kiko tayari kuchukua fedha za ruzuku kutoka Serikalini, kutokana na maridhiano yanayofanywa na Rais Samia Suluhu Hassan. Anaripoti Mwandishi Wetu, Dar es Salaam … (endelea).

Akihojiwa na Kituo cha redio cha Wasafi FM, leo tarehe 19 Januari 2023, Mkurugenzi wa Fedha na Utawala Chadema, Rodrick Lutembeka, amesema watakuwa wajinga kama hawatapokeo kitu kinachotokana na maridhiano yanayofanyika kati ya Serikali na vyama vya siasa vya upinzani.

“Ikitokea kwa mazingira ya sasa hivi, sababu hata wakati ule wangeweza kuidumbukiza (akaunti ya benki) tusingeweza ichukua lakini kwa mazingira ya sasa hivi wakati tunaendelea na mazungumzo ya maridhiano Chadema tutakuwa wajinga sana kutoweza kupokea kile ambacho kinatokana na maridhiano.” alisema Lutembeka lipoulizwa kama Chadema kiko tayari kuchukua ruzuku.

Mkurugenzi huyo wa fedha Chadema, amesema malimbikizo ya fedha za ruzuku ambayo chama hicho kimegoma kupokea kutoka Serikalini tangu 2020, yamefikia zaidi ya Sh. 2 bilioni.

Amesema kuwa, Chadema kimekuwa kikijiendesha kupitia michango ya wanachama wake.

Akizungumzia kuhusu maridhiano yanayofanywa na Serikali pamoja na vyama vya siasa vya upinzani, Lutembeka ameeleza kuwa, matokeo yake yameanza kuonekana, ikiwemo kuondolewa zuio batili la mikutano ya hadhara, urekebishwaji wa sheria kandamizi ikiwemo sheria za uchaguzi, na ufufuaji mchakato wa upatikanaji katiba mpya.

Leave a comment

Leave a Reply

Your email address will not be published. Required fields are marked *

Related Articles

Habari za Siasa

Prof. Muhongo aungana na wananchi ujenzi maabara za sekondari

Spread the loveMBUNGE wa Musoma Vijijini, Profesa Sospeter Muhongo, kwa kushirikiana na...

Habari MchanganyikoTangulizi

Haya hapa majina 12 ya familia moja waliofariki kwenye ajali Tanga

Spread the love  MAJINA 12 kati ya 17 ya waliofariki dunia katika...

Habari za Siasa

CCM apiga marufuku wazazi kuwatumia watoto wa kike kwenye mambo ya kimila

Spread the loveKATIBU Mkuu wa Chama Cha Mapinduzi (CCM) Taifa Daniel Chongolo...

Habari za Siasa

Ofisi za mabalozi wa mashina zitumike kuwale vijana kimaadili – Chongolo

Spread the loveKATIBU Mkuu wa Chama Cha Mapinduzi (CCM) Daniel Chongolo ameagiza...

error: Content is protected !!