Thursday , 13 June 2024
Habari za Siasa

Chadema wamkemea JPM

Rais John Magufuli
Spread the love

KAULI ya Rais wa Jamhuri ya Muungano wa Tanzania  John Magufuli kuwa wakati wa utawala wake hakuna wanafunzi wataopata ujauzito wataruhusiwa kurejea masomoni baada ya kujifungua imeelezwa kuwa ni chuki ya wazi kwa wanawake na watoto, anaandika Victoria Chance.

Rais Magufuli alitoa kauli hiyo tarehe 22 Juni, mwaka huu akiwa katika ziara ya kikazi mkoani Pwani, huku kauli yake ikiungwa mkono na Ummy Mwalimu, Waziri wa Afya, Maendeleo ya Jamii, Jinsia, Wazee na Watoto pamoja na Mwigulu Nchemba, Waziri wa Mambo ya ndani.

Akizungumza kwa niaba ya Baraza la Wanawake wa Chadema, Halima Mdee ambaye ni mwenyekiti wa baraza hilo amesema “Mawaziri walionekana kama waliunga mkono tamko la Rais  ni kwasababu ya hofu ya kumuogopa mwenyekiti wao wa chama ambaye pia ni Rais.

“Mjadala huu unaohusu watoto wa kike kutokurudi shule hautofungwa kwasababu Rais  amesema au waziri amesema. Kwasababu neno la Rais sio sheria.”

Mdee amedai kwamba Rais asirudishe  nchi miaka ya arobaini na nane (1948), kipindi ambacho hakukuwa na mikataba wala nyaraka yoyote kuhusiana na watoto.

“Rais anatakiwa kufunga ‘breki’ kutokana na kwamba nchi hii inaendeshwa kwa Katiba na mikataba mbalimbali ya kimataifa,” amesema.

Mbunge huyo ambaye kitaaluma ni mwanasheria na wakili wa Mahakama Kuu amesema sera ya elimu ya Tanzania ipo wazi kuhusu fursa ya wanafunzi kurudi shule baada ya kupata ujauzito na kujifungua kabla ya kuhitimu masomo.

“Rais anachotaka kufanya ni kuvunja mikataba mbalimbali  ya kimataifa inayohusu watoto. Tuna mkakati wa kufungua mashtaka kuhusiana na jambo hilo kwani ni kinyume cha sheria na pia ni uvunjifu wa haki  za binadamu,” amesema Mdee.

Leave a comment

Leave a Reply

Your email address will not be published. Required fields are marked *

Related Articles

Habari MchanganyikoHabari za Siasa

Wafungwa, mahabusu ruksa kupiga kura

Spread the loveTUME Huru ya Taifa ya Uchaguzi (INEC) imesema kuwa wafungwa,...

Habari za SiasaKimataifa

IFP wakubali kuungana na ANC kuunda serikali

Spread the loveChama cha upinzani nchini Afrika Kusini, Inkatha Freedom Party (IFP)...

BiasharaHabari za Siasa

Prof. Mkumbo: Pato la taifa limefikia trilioni 148

Spread the loveWaziri wa Mipango na Uwekezaji, Profesa Kitila Mkumbo amesema mwaka...

BiasharaHabari MchanganyikoHabari za Siasa

Deni la Serikali lafikia trilioni 91

Spread the loveWaziri wa Mipango na Uwekezaji Profesa Kitila Mkumbo amesema hadi...

error: Content is protected !!