Sunday , 25 February 2024
Home Gazeti Habari za Siasa Chadema kwenda mahakamani kupinga ushindi wa CCM
Habari za SiasaTangulizi

Chadema kwenda mahakamani kupinga ushindi wa CCM

Nyundo ya Hakimu
Spread the love

CHAMA cha Demorasia na Maendeleo (Chadema), mkoani Mara, kimepanga kwenda mahakamani kupinga ushindi wa mgombea wa Chama Cha Mapinduzi (CCM), katika uchaguzi mdogo wa udiwani kata ya Turwa, wilayani Tarime. Anaripoti Regina Kelvin … (endelea).

Hayo yameelezwa jana na Katibu wa chama hicho hicho mkoani Mara, Chacha Heche, alipokuwa akizungumza na wandishi wa habari, wilayani Tarime.

Heche alidai kuwa Msimamizi Msaidizi wa uchaguzi huo mdogo kata ya Turwa, Peter Julius, alikiuka baadhi ya taratibu za sheria ya uchaguzi, ikiwemo mawakala wa Chadema kutokabidhiwa fomu Na. 21c na 24c pamoja na matokeo yake.

Amesema, “…huyu bwana amevuruga uchaguzi huu, kwa makusudi. Kwa makusudi, amekiuka kwa makusudi, sheria na kanuni za uchaguzi kwa maslahi ya CCM na mawakala wake.”

Naye aliyekuwa mgombea udiwani wa kata hiyo kupitia Chadema, Charles Mnanka, alidai kuwa atakwenda mahakamani kupinga matokeo ya uchaguzi huo yaliyompa ushindi Chacha Ghati kutokana na kuwapo ukiukwaji wa sheria.

Mnanka alimtuhumu msimamizi wa uchaguzi – Peter Julius – kutangaza matokeo ya uchaguzi kwa kukipendelea CCM; na kuongeza kuwa “Chadema kilipata kura nyingi zaidi kuliko CCM, lakini hakikutangazwa mshindi.”

Uchaguzi mdogo katika kata ya Turwa uliofanyika tarehe 12 Agosti mwaka huu, ulitawaliwa na vurugu, vitisho na ukiukwaji mkubwa wa taratibu.

Leave a comment

Leave a Reply

Your email address will not be published. Required fields are marked *

Related Articles

Habari za SiasaTangulizi

Samia atoa pole ajali iliyoua 25, kujeruhi 21 Arusha

Spread the loveRais Samia Suluhu Hassan ametuma salamu za rambirambi kwa Mkuu...

Habari MchanganyikoTangulizi

25 wafariki dunia katika ajali Arusha

Spread the loveWatu 25 wamefariki dunia papo hapo mkoani Arusha katika ajali...

Habari za SiasaTangulizi

Dk. Biteko afuta likizo watumishi Tanesco, bosi Morogoro yamkuta

Spread the loveNaibu Waziri Mkuu na Waziri wa Nishati, Mhe. Dk. Doto...

Habari za Siasa

Mbarala ajitosa kumrithi Zitto, aahidi kuipa ushindi ACT-Wazalendo uchaguzi mkuu

Spread the loveKATIBU wa Idara ya Haki za Binadamu na Makundi Maalum...

error: Content is protected !!