Friday , 3 February 2023
Home Gazeti Habari za Siasa CCM yawanyooshea kidole Polepole, Askofu Gwajima “subirini matokeo”
Habari za SiasaTangulizi

CCM yawanyooshea kidole Polepole, Askofu Gwajima “subirini matokeo”

Askofu Josephat Gwajima
Spread the love

 

CHAMA tawala nchini Tanzania- Chama Cha Mapinduzi (CCM) kimesema, kimeanza taratibu za kuwachukulia hatua makada wake wanaokwenda kinyume na misimamo ya chama hicho. Anaripoti Regina Mkonde, Dar es Salaam…(endelea).

Ni baada ya wanachama hao wakiwemo wabunge wake wawili, Humphrey Polepole wa kuteuliwa na Askofu Joseph Gwajima wa Kawe kuwa na mawazo yanayokidhana na chama hicho kuhusu chanjo ya corona.

Polepole na Gwajima ambaye ni Askofu wa Kanisa la Ufufuo na Uzima wamekuwa wakisema hawatachanjwa msimamo unaotofautiana na wa Rais Samia Suluhu Hassan ambaye ni Mwenyekiti wa CCM.

Rais Samia aliwaomba Watanzania wachanjwe chanjo hiyo, kwa kuwa ni salama kiafya na itawasaidia kujikinga dhidi ya UVIKO-19.

Leo Jumatano tarehe 11 Agosti 2021, Katibu Mkuu wa CCM, Daniel Chongolo akizungumza na waandishi wa habari, ofisi ndogo za chama hicho Lumumba, jijini Dar es Salaam, ameulizwa kuhusu mkanganyiko huo.

Humphrey Polepole, Katibu wa Itikadi na Uenezi wa CCM

Chongolo aliulizwa ni hatua gani zimechukuliwa dhidi ya makada wake wanaotoa misimamo kidhani naya chama akiwemo Rais Samia.

“Kuhusu kauli kinzani dhidi ya msimamo wa chama na Serikali, niseme chama ni kikubwa kuliko mtu yeyote, hata mimi nimepewa dhamana tu. Sina mamlaka ya kuweka ya kwangu na kubeba ajenda zangu.”

“Hao unaofikiria kwamba wanaweza kushindana au kujaribu chama, chama hiki kina utaratibu na tayari taratibu zimeanza, subiria matokeo,” amesema Chongolo.

Katibu Mkuu huyo wa CCM, amesema chama hicho kimeweka utaratibu wa kuwawajibisha wanachama wake wanaokwenda kinyume na misimamo yake na Serikali.

“Chama hiki kimeweka utaratibu wa kuhangaika na mimi nikianza kufanya mambo yangu ya hovyo. Sasa sijui kwenye chama hiki leo hii baada ya mwenyekiti na makamo anayefuata kwa ukubwa ni nani? ni mimi,” amesema Chongolo na kuongeza:

“Sasa kama mimi nina fursa ya kuchukuliwa hatua, nani mkubwa zaidi? Kwa hiyo mtu asifikirie kuna mtu anaweza kuota mapembe, zikawa ndefu kuliko waliowahi kuota nyuma na ninyi mnajua historia,” amesema Chongolo

“CCM imekuwa ikichukua hatua katika mazingira ambayo kila mmoja anapanua mdomo na kushangaa.”

4 Comments

  • Sisi wa Tz tunaongozwa na sheria za nchi pamoja na katiba ya nchi pamoja na katiba ya chama husika,sio kila mwenye nogwa zake apayukwe payukwe kama vile wamekunya maji ya chooni. hatua kali zichukuliwe ikiwemo kufukuzwa ubumge ili wenye kurudi Ethiopia warudi wakale anjero na wenye kupiga kelele katika mahekalu waende huko sio wasituchanganye inaonyesha wawo ni magaidi katika chama lazima tuwawahi kuwachukulia hatuo kwa yeyeto mwenye kuwashwa washwa.

  • Sisi wa Tz tunaongozwa na sheria za nchi pamoja na katiba ya nchi pamoja na katiba ya chama husika,sio kila mwenye nogwa zake apayukwe payukwe kama vile wamekunywa maji ya chooni. hatua kali zichukuliwe ikiwemo kufukuzwa ubumge ili wenye kurudi Ethiopia warudi wakale anjero na wenye kupiga kelele katika mahekalu waende huko sio wasituchanganye inaonyesha wawo ni magaidi katika chama lazima tuwawahi kuwachukulia hatuo kwa yeyeto mwenye kuwashwa washwa.

  • Lakini chanjo si hiyari ya kila raia pamoja na wanachama wa CCM? Au hiyari hiyo haiwahusu wa CCM? Msituchanganye jamani

  • Kazungumza kama Askofu, na wala si mbunge. Hauoni tofauti?
    Angezungumza kama mbunge halafu ukapendekeza hatua tungeelewa.
    Tujifunze ustaafrika na siyo ustaarabu.

Leave a Reply

Your email address will not be published. Required fields are marked *

Related Articles

Habari MchanganyikoTangulizi

Hii hapa kauli ya Sheikh mpya mkoa wa Dar

Spread the loveSAA chache baada ya kuteuliwa kukaimu nafasi ya aliyekuwa Sheikh...

Habari MchanganyikoTangulizi

Breaking news! Mufti amng’oa Sheikh mkoa Dar

Spread the loveBARAZA la Ulamaa la Bakwata katika kikao kilichofanyika tarehe 1...

Habari za Siasa

Kamati ya Bunge yaitaka Serikali kuchunguza dawa za asili

Spread the love  KAMATI ya Kudumu ya Bunge ya Huduma na Maendeleo...

Habari za Siasa

Kada NCCR-Mageuzi aliyepotea aokotwa porini akiwa taabani, hajitambua

Spread the love  MWENYEKITI wa Jumuiya ya Vijana ya Chama cha NCCR-Mageuzi,...

error: Content is protected !!