Sunday , 29 January 2023
Home Gazeti Habari za Siasa CCM yaonya gazeti lake Uhuru kisa uchaguzi 2025
Habari za SiasaTangulizi

CCM yaonya gazeti lake Uhuru kisa uchaguzi 2025

Samia Suluhu Hassan, Rais wa Tanzania na Mwenyekiti wa CCM
Spread the love

 

CHAMA tawala nchini Tanzania- Chama Cha Mapinduzi (CCM), kimesema, kitachukua hatua kali dhidi ya watumishi wa gazeti la Uhuru kwa kuandika habari ya upotoshaji juu ya Rais Samia Suluhu Hassan. Anaripoti Regina Mkonde, Dar es Salaam … (endelea).

Ni baada ya gazeti hilo linalomilikiwa na Chama Cha Mapinduzi (CCM), leo Jumatano tarehe 11 Agosti 2021, kuandika habari kuwa Rais Samia ambaye ni Mwenyekiti wa CCM, hana mpango wa kuwania urais mwaka 2025.

Chanzo cha habari hiyo, imeelezwa na gazeti hilo ni mahojiano ambayo Rais Samia aliyafanya hivi karibuni na Shirika la Utangazaji la Uingereza (BBC).

Hata hivyo, taarifa ya Katibu wa Itikadi na Uenezi wa CCM, Shaka Hamdu Shaka, imesema habari ya gazeti la Uhuru yenye kichwa cha habari cha ‘Sina wazo kuwania urais 2021-Samia’ ni ya upotoshaji.

“CCM kimesikitishwa na upotoshaji mkubwa uliofanywa na Gazeti la Uhuru toleo Namba 24084, la leo Jumatano tarehe 11 Agosti 2021. Gazeti hilo limepotosha sehemu ya mahojiano aliyofanya Rais Samia na BBC, Ikulu Dar es Salaam,” imesema taarifa ya Shaka.

Shaka Hamdu Shaka, Katibu wa Itikadi na Uenezi wa CCM

Katika taarifa yake, Shaka amesema habari hiyo iliyoandikwa na Gazeti la Uhuru ni ya upotoshwaji mkubwa, kwani katika mahojiano hayo, Rais Samia hakusema maneno hayo.

“Katika habari yake kuu limeandika kichwa cha habari ‘Sina wazo kuwania urais 2025-2025’. Huu ni upotoshwaji mkubwa na kumlisha maneno Rais wa Tanzania, hakusema kabisa maneno hayo,” imesema taarifa ya Shaka.

Shaka amesema CCM itachukua hatua za kinidhamu dhidi ya watu waliohusika na uandaaji wa habari hiyo.

“Hili ni kosa kubwa linalokwenda kinyume ana sera inayoongoza vyombo hivyo, jambo ambalo halitavumiliwa hata kidogo, hivyo hatua kali za kinidhamu zitachukuliwa dhidi ya wote waliohuisika katika uandaaji wake,” imesema taarifa hiyo.

“Gazeti la Uhuru ndiyo Adam na Hawa wa magazeti yote hapa nchini, Linawajibika kunesha weledi wa hali ya juu na sio vinginevyo.”

“Tunawoamba wanachama wa CCM na Watanzania kwa ujumla kupuuza habari hiyo kwani iemandikwa na watu wenye maslahi yao binafsi,” amesema

Shaka amesema, Rais Samia kwa sasa ameelekeza fikra na nguvu zake katika kuwatumikia Watanzania na si vinginevyo.

2 Comments

  • ni sawa maana kwan hata asipogombania au akigombania hilo ni suala la mtu binafsi sio lazma liende had kwenye press

  • Hao ni tim magufuli wakiongozwa na Bashirum, musiba, pole pole, (Gwajima boy) ni wale wenye kusema magufuli ni mungu wao Profe aliyeokotwa jalalani bado wapo na chuki katika roho
    zao kwa kutawaliwa na mwanamke hussusan Mzanzibar hilo wawo wanaona dunia imewageukia hawajuwi kwamba Mhe Rais Samia Suluh Hassan tumempata kutokana na rehma za Allah. inchi inahitaji kutakaswa kwavile dikteta magu alivyo inajis inchi yetu Tz. endelea mama na speed ile ile uliyoanza nayo hakika heri na wema pamoja na haki ndio vitu vinavyompendeza Allah hakika kinachompendeza Allah ni ibada.

Leave a Reply

Your email address will not be published. Required fields are marked *

Related Articles

Habari MchanganyikoTangulizi

Haya hapa matokeo ya mtihani kidato cha nne 2022

Spread the loveBARAZA la Mitihani la Tanzania (Necta) leo Jumapili limetangaza matokeo...

Habari za Siasa

NCCR-mageuzi yawaangukia Polisi kupotea kwa kada wake

Spread the loveJESHI la Polisi nchini limeombwa kufanya uchunguzi wa kina utakaosaidia...

HabariTangulizi

Bakwata wamkangaa Sheikh wa Dar es Salaam

Spread the love  BARAZA la Ulamaa, limefutilia mbali uamuzi wa “kuvunja ndoa,”...

Habari za Siasa

Uamuzi kesi ya kupinga Bodi ya Wadhamini NCCR-Mageuzi kutolewa Februari 6

Spread the love  MAHAKAMA Kuu, Masjala Kuu ya Dar es Salaam, imepanga...

error: Content is protected !!