Friday , 3 February 2023
Home Gazeti Habari za Siasa CCM waitaka Serikali itoe ufumbuzi kupanda kwa bei ya mafuta
Habari za Siasa

CCM waitaka Serikali itoe ufumbuzi kupanda kwa bei ya mafuta

Spread the love

CHAMA Cha Mapinduzi (CCM) kimeitaka Serikali kutafuta ufumbuzi wa haraka wa namna ya kukabiliana hali ngumu ya maisha kwa Watanzania kutokana na kupanda kwa bei ya mafuta duniani ili kuwapunguzia wananchi makali ya maisha. Anaripoti Mwandishi Wetu … (endelea).

Taarifa iliyotolewa leo tarehe 9 Mei, 2022 na Katibu wa NEC ya CCM Itikadi na Uenezi, Shaka Hamdu Shaka imesema chama hicho kimetoa maagizo hayo kwa kuwa kimeguswa na hali hiyo ya maisha iliyopo nchini.

“Tunafanya hivyo ikiwa ni utekelezaji wa ahadi zetu kupitia ilani ya uchaguzi ya CCM ya mwaka 2020-2025 ambayo tuliahidi kuisimamia serikali ili kuwaletea maendeleo Watanzania na kuimarisha ustawi wao.

“Pamoja na sababu za kitaalamu zinazotajwa kusababisha kupanda kwa bei ya mafuta na kupelekea mfumuko huu wa bei nchini, chama makini na serikali inayojali watu wake haiwezi kukaa kimya na kukosa hatua za kuchukua hatua ili kuwapunguzia mzigo wananchi,” amesema.

Amesema kutokana na hali hiyo CCM kimeitaka serikali kukaa na kuchukua hatua haraka ili kuwapa nafuu ya maisha wananchi.

Aidha, CCM kimewaomba Watanzania kuwa watulivu na kuendelea kuiamini serikali ya CCM ya awamu ya sita chini ya Rais Samia Suluhu Hassan wakati huu ambao inaendelea kuchukua hatua stahiki za kupunguza makali hayo bila kuathiri shughuli zingine za maendeleo ikiwemo utekelezaji wa miradi mikubwa ya maendeleo.

1 Comment

  • Ile Sera imesema nini juu ya kukabiliana na athari za nje ya nchi?
    Kwa nini Tanzania hatuna mkakati wa akiba ya Taifa?
    Hii pia ndiyo ingeipandisha nchi uchumi wa juu. Kwa nini CCM haikabiliani na rushwa kama Enzi zile za Baba wa Taifa. Haiwajibishi watu wenye tuhuma.
    Haipazi sauti Tume ya Maadili iwe na meno.
    Sasa tutaiambia nini serikali yetu wakati hatuoni haki ilitendeka kwa walioiba mabilioni.

Leave a Reply

Your email address will not be published. Required fields are marked *

Related Articles

Habari za Siasa

Kamati ya Bunge yaitaka Serikali kuchunguza dawa za asili

Spread the love  KAMATI ya Kudumu ya Bunge ya Huduma na Maendeleo...

Habari za Siasa

Kada NCCR-Mageuzi aliyepotea aokotwa porini akiwa taabani, hajitambua

Spread the love  MWENYEKITI wa Jumuiya ya Vijana ya Chama cha NCCR-Mageuzi,...

Habari za Siasa

ACT Wazalendo yataka Jaji Mkuu, Jaji Biswalo wajiuzulu kupisha uchunguzi fedha za Plea Bargaining

Spread the love  CHAMA cha ACT-Wazalendo, kimemtaka Jaji wa Mkuu wa Tanzania,...

Habari za Siasa

Kigogo ACT-Wazalendo: Vyama vya upinzani vilikosea kumpokea Membe, Lowassa

Spread the love  KATIBU Mkuu wa Chama cha ACT-Wazalendo, Ado Shaibu, amesema...

error: Content is protected !!