Sunday , 29 January 2023
Home Kitengo Michezo Cameroon, Cape Verde waanza vema michuano AFCON
Michezo

Cameroon, Cape Verde waanza vema michuano AFCON

Spread the love

 

WENYEJI wa mashindano ya Kombel la Mataifa ya Afrika, Cameroon jana usiku walitoka nyuma na kuwalaza Burkina Faso bao 2-1 katika mechi ya ufunguzi iliyokuwa imesheheni matukio mbalimbali kuhusu mashidano hayo. Anaripoti Mwandishi Wetu .. (endelea)

Cameroon waliokuwa wakishajihishwa na mashabiki wao pamoja na Rais wa nchi hiyo, waliduwazwa na bao la mapema dakika ya 24 baada ya Gustavo Sangare kuifanya Burkina Faso kutangulia kwa bao la mapema katika kipindi cha kwanza huko Yaounde.

Hata hivyo, penalti mbili kutoka kwa nahodha Vincent Aboubakar ziligeuza mchezo huo kuwa faida kwa wenyeji kabla ya muda wa mapumziko.

Kipa wa ‘Indomitable Lion’s (Cameroon), Andre Onana aliokoa mabao mawili ya wazi kipindi cha pili na kuwafanya vijana hao wa Kocha Toni Conceicao kufungua pazia la Kundi A kwa ushindi.

Katika mchezo uliofuata, Timu ya Taifa ya Cape Verde iliyokumbwa na visa vya Covid-19 iliilaza Ethiopia bao 1-0.

Katika mchezo huo wa pili uliopigwa kwenye Uwanja wa Olembe, Ethiopia walibaki 10 uwanjani baada ya mchezaji wao kupata kadi nyekundu.

Cape Verde walihaha vilivyo na hadi mshambuliaji Julio Tavares alipofunga bao la kichwa dakika za lala salama.

Michezo minne leo inatarajiwa kupigwa ambapo saa 10:00 jioni Senegal watavaana na Zimbabwe, saa moja usiku Morocco watakipiga na Ghana, Guinea watapepeta na Malawi wakati saa nne usiku Comoro watamenyana na Gabon.

Leave a comment

Leave a Reply

Your email address will not be published. Required fields are marked *

Related Articles

Michezo

GGML: Uwanja mpya wa Geita Gold FC kukamilika Mei, 2023

Spread the loveUWANJA wa Magogo unaojengwa na Halmashauri ya Mji wa Geita...

Michezo

Wanafunzi chuo Mwalimu Nyerere wapongezwa kwa ushindi

Spread the love  UONGOZI wa Chuo cha Kumbukumbu ya Mwalimu Nyerere (MNMA)...

Michezo

Arsenal waipopoa Manchester United

Spread the loveKLABU ya Arsenal inayoshiriki Ligi Kuu England imewatandika Mashetani Wekundu...

Michezo

Mchezaji Singida apoteza maisha mazoezini

Spread the love  MCHEZAJI na kapteni wa timu ya vijana ya Singida...

error: Content is protected !!