Monday , 27 May 2024
Home Habari Mchanganyiko BoT yakumbushwa kudhibiti fedha haramu
Habari Mchanganyiko

BoT yakumbushwa kudhibiti fedha haramu

Benki Kuu ya Tanzania
Spread the love

BENKI Kuu ya Tanzania (BoT), imetakiwa kufuata muongozo wa fedha unaokubalika ili kudhibiti fedha haramu zisiingie katika mzunguko halali, anaandika Mwandishi Wetu.

Aidha, kupitia muongozo huo BoT itafahamu fedha zinazoingizwa nchini na kufahamu zinaingia kwa njia gani.

Kauli hiyo imetolewa na Waziri wa Fedha na Mipango wa Zanzibar, Dk. Khalid Salum Mohammed wakati akifungua kikao cha siku tano cha taasisi ya kudhibiti utakasishaji wa fedha haramu kwa nchi za Mashariki na Kusini mwa Afrika uliofanyika visiwani Zanzibar.

“Upo muuongozo wa fedha ambao umekubalika katika kupambana na utakatisishaji wa fedha haramu kwa hivyo BoT inatakiwa kufuatilia hatua kwa hatua utekelezaji wake,” amesema.

Aidha, Dk. Mohammed alishauri kwamba ni vyema mabenki kujuwa wateja wao na kuzifahamu kazi zao kabla ya kuingiza fedha katika benki ili kuweza kuzitambuwa kama fedha haramu au halali.

Amesema awali walikuwa wakikabiliwa na changamoto ya kutunga sheria za kimataifa za kupambana na fedha haramu kwa nchi moja moja na kwamba hivi sasa wanatumia sheria zinazofanana.

Amesema fedha haramu zinazotokana na biashara za dawa za kulevya na usafirishaji wa binadamu hutumika kufadhili shughuli za kigaidi hivyo kuna umuhimu mkubwa kwa taasisi za kifedha kudhibiti masuala hayo.

Ameongeza kuwa fedha hizo huko zinakotoka huwa hazitumiki na kwamba husafirishwa na kuletwa Afrika au Tanzania ili kuwekezwa katika mahoteli na baadaye kurudi katika nchi zilizotoka fedha hizo na kuonekana ni fedha halali.

“Biashara hii inaweza kusababisha Benki kufa na uchumi unaweza kuathirika kwa sababu wakati mwIngine fedha hizi zinakuja kwa wingi na zinaweza kuwafukuza wawekezaji hivyo ni muhimu kuwa na nguvu za pamoja ili kuondokana na tatizo hili,” alisema.

Leave a comment

Leave a Reply

Your email address will not be published. Required fields are marked *

Related Articles

Habari MchanganyikoMichezo

NBC yakabidhi Kombe la Ubingwa wa  Ligi Kuu ya NBC, yaahidi maboresha zaidi

Spread the loveMdhamini mkuu wa Ligi Kuu ya NBC (NBC Premiere League),...

Habari MchanganyikoHabari za Siasa

Kasekenya aipa Tanroads wiki kukarabati barabara Morogoro

Spread the loveNaibu Waziri wa Ujenzi, Mhandisi Godfrey Kasekenya ametoa wiki moja...

ElimuHabari Mchanganyiko

Rubani mtarajiwa Tusiime awashangaza wazazi

Spread the loveWAZAZI walioshiriki siku ya taaluma na maonyesho ya shule ya...

Habari Mchanganyiko

Wanne wadakwa kwa kusafirisha punda 46 nje ya nchi

Spread the loveJeshi la Polisi kikosi cha kupambana na kuzuia wizi wa...

error: Content is protected !!