Saturday , 15 June 2024
Home Habari Mchanganyiko Bosi zamani TRA ateuliwa Udart
Habari Mchanganyiko

Bosi zamani TRA ateuliwa Udart

Spread the love

 

RAIS wa Tanzania, Samia Suluhu Hassan, amemteua Dk. Edwin Mhede kuwa Mkurugenzi Mtendaji wa Wakala wa Mabasi Yaendayo Haraka (UDART). Anaripoti Hamis Mguta…(endelea).

Uteuzi wa Dk. Mhede, umetangazwa leo Jumamosi, tarehe 15 Mei 2021 na Mkurugenzi wa Mawasiliano ya Rais Ikulu, Gerson Msigwa ambaye amesema, anachukua nafasi ya John Nguya ambaye uteuzi wake umetenguliwa.

Kutenguliwa kwa uteuzi wa Nguya, umefanyika ikiwa ni takribani wiki mbili zimepita, tangu Waziri Mkuu wa Tanzania, Kassim Majaliwa, kufanya ziara ya kutembelea mradi wa mabasi yaendayo haraka mkoani Dar es Salaam.

John Nguya

Katika ziara hiyo, Majaliwa alisema, Nguya ameshindwa kutimiza majukumu yake ipasavyo na kuufanya wakala huo, kutoa huduma chini na malengo na kuahidi kufikisha suala lake kwa mamlaka ya uteuzi kwa hatua zaidi.

Dk. Mhede, aliyekuwa Kamishna wa Mamlaka ya Mapato Tanzania (TRA), ameteuliwa ikiwa zimepita siku 41 tangu alipomwondolewa TRA na nafasi yake kuteuliwa Alphayo Kidata.

Rais Samia, alimteua Kidata kuwa Kamishna wa TRA, tarehe 4 Aprili 2021.

Dk. Mhede, aliongoza TRA kuanzia 8 Januari 2019, akichukua nafasi ya Charles Kichere ambaye aliteuliwa kuwa Katibu Tawala Mkoa wa Njombe. Kwa sasa Kichere ni Mdhibiti na Mkaguzi Mkuu wa Hesabu za Serikali (CAG).

Kabla ya uteuzi huo, Dk. Mhede alikuwa naibu katibu mkuu wizara ya viwanda na biashara.

Leave a comment

Leave a Reply

Your email address will not be published. Required fields are marked *

Related Articles

Habari Mchanganyiko

DAWASA yaja na suluhisho la maji kwa wakazi wa Sinza C,D

Spread the loveWakazi wa Kata ya Sinza, Wilaya ya Kinondoni mkoani Dar...

Habari MchanganyikoHabari za SiasaTangulizi

Samia: Wakuu wa mikoa, wilaya wanaendeleza ubabe

Spread the loveRAIS Samia Suluhu Hassan amesema bado wakuu wa wilaya na...

BiasharaHabari Mchanganyiko

Vitalu 19 vya madini vyazalisha ajira 12,000 Songwe

Spread the loveZAIDI ya vijana 12,000 kutoka Wilaya ya Songwe mkoani Songwe...

Habari Mchanganyiko

Mmoja auawa kwa tuhuma za kuiba sokoni, Polisi walaani

Spread the loveMwanaume mmoja ambaye hajafahamika jina lake  ameuawa  na wananchi wenye...

error: Content is protected !!