Wednesday , 8 February 2023
Home Gazeti Habari Bodi ya mazao, NFRA zamwagiwa mabilioni kununua mahindi ya wakulima
Habari

Bodi ya mazao, NFRA zamwagiwa mabilioni kununua mahindi ya wakulima

Spread the love

 

MKURUGENZI wa Idara ya Habari Maelezo na Msemaji Mkuu wa Serikali, Gerson Msigwa amesema Serikali imeidhamini Bodi ya Mazao Mchanganyiko kupatiwa mkopo wa Sh.50 bilioni nyingine ili kwenda kununua mahindi kwa wakulima na kuyauza nje. Anaripoti Gabriel Mushi (endelea..)

Pia, amesema tayari serikali imetoa Sh.50 bilioni kwa Wakala wa Taifa wa Hifadhi ya Chakula (NFRA), kwa ajili ya kununua mahindi mbali na Sh bilioni 14 za awali ilizopatiwa.

Msigwa ametoa kauli hiyo leo Jumapili tarehe 12 Septemba 2021 jijini Dodoma wakati akizungumza na waandishi wa habari pamoja na Watanzania kama ulivyoutaratibu wake wa kila wiki.

Msigwa amesema mbali na NFRA ambao wananunua mahindi kwa ajili ya usalama wa nchi, Bodi ya Nafaka na Mazao Mchanganyiko Tanzania (CPB), ambayo inanunua mahindi kwa ajili ya biashara imepata soko la tani 100,000 nchini Kenya, tani 200,000 Sudani Kusini na tani 200,000 Shirika la Chakula duniani.

“Wakati wafanyabiashara wakinunua kilo moja ya mahindi kati ya Sh 250 hadi Sh.350 kwa kilo moja, Wakala wa Taifa wa Hifadhi ya Chakula (NFRA) itanunua Sh.500 kwa kilo ilihali Bodi ya Nafaka na Mazao Mchanganyiko Tanzania (CPB) itanunua kwa bei ya juu zaidi ili kumnufaisha mkulima,” amesema

“Mahindi yamezalishwa tani milioni saba wakati Tanzania matumizi yake ni tani 500,000, kwa hiyo uzalishaji ni mzuri, umekwenda mara mbili ya uzalishaji wa msimu uliopita,” amesema.

Pia, amesema bei ya mbolea imepanda kutokana na athari za Corona lakini serikali imeondoa vikwazo vyote ili kila mtu alete mbolea huku Serikali kupitia wakala wake wakihakikisha ubora.

Leave a comment

Leave a Reply

Your email address will not be published. Required fields are marked *

Related Articles

HabariHabari Mchanganyiko

CRB yashtukia makandarasi wanaofanya ubia wa ujanja ujanja, yasema watakaobainika kuchukuliwa hatua kali

Spread the love  BODI ya Usajili wa Makandarasi (CRB), imeonya makandarasi wanaofanya...

HabariKimataifa

Aliyesomeshwa na mchumba aamuriwa kurudisha Sh 9.4 Mil. baada ya kukataa kuolewa

Spread the love  MWANAMKE mmoja nchini Uganda ambaye aliuumiza moyo wa mchumba...

Habari

Mnyika aacha ujumbe msibani kwa kada wa Chadema aliyefia vitani Ukraine

Spread the loveKATIBU Mkuu wa Chama cha Demokrasia na Maendeleo-Chadema Taifa, John...

HabariHabari Mchanganyiko

Mwili wa kada wa Chadema aliyefia vitani Ukraine wawasili, kuzikwa Mbeya

Spread the loveMWILI wa Kada wa Chama cha Demokrasia na Maendeleo-Chadema, aliyefia...

error: Content is protected !!